महाराष्ट्रात दिवाळी पाडव्याला मुसळधार पाऊस, 12 जिल्ह्यांना येलो अलर्ट!

IMD विभागाने 22 ऑक्टोबर ला दक्षिण मध्य महाराष्ट्र आणि मराठवाडा, दक्षिण कोकण येथे मुसळधार पावसाचा इशारा दिला..

पोलीस वार्ता, मुंबई : राज्यात दिवाळी आनंदात साजरी होत असतानाच अचानक हवामानात 21 ऑक्टोबर रोजी संध्याकाळी मोठा बदल पाहायला मिळाला, येणाऱ्या पुढील 3-4 दिवसांत राज्यात जोरदार पावसाचा इशारा भारतीय हवामान विभागाने(IMD) दिला आहे. ज्यात दक्षिण मध्य महाराष्ट्र आणि मराठवाडा भाग, दक्षिण कोकण येथे मुसळधार पावसाची शक्यता सांगितली आहे.

• IMD चा 12 जिल्ह्यांना येलो अलर्ट..

IMD विभागाने 22 ऑक्टोबर 2025 रोजी दिवाळी पाडव्याच्या दिवशी सांगली, सातारा आणि कोल्हापूर या पश्चिम महाराष्ट्रातील जिल्ह्यांना येलो अलर्ट सांगितला आहे. तसेच मराठवाड्यातील धाराशिव, लातूर आणि नांदेड जिल्ह्यांमध्ये देखील मुसळधार पाऊस पडण्याची शक्यता आहे. या परतीच्या पावसामुळे काढणीला आलेल्या पिकांमुळे शेतकऱ्यांची धावपळ वाढली आहे. राज्यात सध्या पाऊसाचे वातावरण तयार झाले आहे. त्यामुळे पिकांचे नुकसान टाळण्यासाठी शेतकऱ्यांनी वेळीच पिकांच्या संरक्षणाच्या उपाययोजना कराव्या असे आवाहन हवामान खात्याने केले आहे.

विदर्भातील बुलढाणा, यवतमाळ, चंद्रपूर आणि गडचिरोली या जिल्ह्यांना देखील येलो अलर्ट दिला असून काही दिवस मध्यम ते जोरदार पावस वर्तवला आहे. याउलट उत्तर महाराष्ट्रात मात्र हवामान स्वच्छ आणि कोरडे राहणार असल्याचा अंदाज आहे.