जळगाव जिल्ह्यातील नशिराबाद खुर्द येथे १३ वर्षीय अल्पवयीन मुलीला चिकू खाण्याचे आमिष दाखवून तिच्यावर अत्याचार केला. या प्रकरणी नशिराबाद पोलिस ठाण्यात गुन्हा दाखल होताच पोलिसांनी संशयितास अटक केली आहे.
जळगाव खुर्द येथील एका महाविद्यालयातील कृषी विभागातील सुनील सावके याने फिर्यादीच्या १३ वर्षीय अल्पवयीन मुलीला चिकू खाण्याचे आमिष दाखविले. त्यानंतर तिला कृषी विभागातील चिकूच्या मळ्यात नेऊन तिच्यावर अत्याचार केला.
याबाबत पीडित मुलीच्या आईने दिलेल्या फिर्यादीवरून नशिराबाद पोलिस ठाण्यात संशयित सुनील सावके याच्याविरुद्ध पॉक्सोसह विविध कलमांन्वये गुन्हा दाखल झाला.
नशिराबाद पोलिसांनी संशयित सुनील सावके याला तत्काळ शोधून अटक केली. उपनिरीक्षक विजय कोळी तपास करीत आहेत. ही कारवाई सहायक पोलिस निरीक्षक योगिता नारखेडे यांच्या पथकातील उपनिरीक्षक विजय कोळी, अंमलदार गुणवंत देशमुख, भरत बाविस्कर, पंकज सोनवणे, सागर बिडे, आरिफ तडवी, रामकृष्ण माळी, प्रवीण लोहार व भूषण पाटील यांनी केली.
