कुऱ्हे पानाचे गावातील समाजसेवी उपक्रम: दिवाळीच्या शुभमुहूर्तावर स्पर्धा परीक्षा पुस्तकांची भेट..

दिवाळीच्या शुभमुहूर्तावर गावातील युवकांना भरती पूर्व तयारीसाठी आवश्यक स्पर्धा परीक्षा अभ्यास पुस्तकांचे वाटप..

पोलीस वार्ता, भुसावळ : तालुक्यातील कुऱ्हे पानाचे या गावातील रेल्वे कर्मचारी, अधिकारी, जय बजरंग व्यायामशाळा, स्वामी विवेकानंद वाचनालय व सामाजिक कार्य करणाऱ्या तरुणांनी एकत्र येऊन एक सामाजिक उपक्रम राबविला आहे. यांनी मिळून दिवाळीच्या शुभमुहूर्तावर गावातील युवकांना भरती पूर्व तयारीसाठी आवश्यक असलेल्या स्पर्धा अभ्यास पुस्तकांचा वाटप करून एक चांगला संदेश दिला.

गावातील या यशस्वी उपक्रमामुळे युवकांना विविध सरकारी भरतीसाठी बौद्धिक तयारी करण्यासाठी आवश्यक संसाधने उपलब्ध झाली आहेत. युवकांमध्ये असलेली मानसिकता, “आपण समाजाचं, गावाचं देणं लागतं”, हे लक्षात ठेवून हे पुस्तकांचे वितरण करण्यात आले. यामध्ये विविध स्पर्धा परीक्षांची पुस्तकं, मार्गदर्शक साहित्य आणि प्रशिक्षणासाठी उपयुक्त साधनं वितरित केले गेले आहे.

या उपक्रमाच्या आयोजनासाठी गावातील रेल्वे कर्मचारी, अधिकारी आणि विविध संस्था समोर आल्या. जय बजरंग व्यायामशाळेतील शारीरिक शिक्षणाची गरज आणि स्वामी विवेकानंद वाचनालयाच्या समर्पित कार्याने तरुणांच्या मानसिक विकासासाठी महत्त्वाची भूमिका पार पाडली आहे. यशस्वी झालेल्या होतकरू तरुणांनीही आपल्या अनुभवांतून गावातील इतर अभ्यासू युवकांना प्रेरणा दिली आहे.

या उपक्रमामुळे गावातील तरुणांना एक सशक्त आधार मिळाला असून, त्यांना त्यांच्या भविष्याच्या उद्दिष्टापर्यंत पोहोचण्यासाठी प्रोत्साहन मिळाले आहे. समाजातील प्रत्येक घटकाची एकजुटीने केली जाणारी मदत निश्चितच इतरांना प्रेरणा देईल आणि समाजात एक सकारात्मक बदल घडवून आणेल.