भुसावळ : आगामी शासकीय समारंभ व स्वातंत्र्यदिनाच्या तयारीच्या पार्श्वभूमीवर भुसावळ पोलीस लाईन येथे उपविभागीय पोलीस अधिकारी (डीवायएसपी) केदार बारबोले यांच्या मार्गदर्शनाखाली रंगीत तालीम व ड्रिलचा सराव घेण्यात आला.
यावेळी पोलीस अधिकारी व कर्मचाऱ्यांनी संचलन, सलामी आणि परेडसह विविध ड्रिलचे शिस्तबद्ध सादरीकरण केले. परेडची पाहणी करत डीवायएसपी केदार बारबोले यांनी आवश्यक सूचना देत शिस्त, वेळेचे नियोजन आणि परेडमधील अचूकतेवर भर दिला.
आगामी शासकीय कार्यक्रम यशस्वी आणि शिस्तबद्ध पद्धतीने पार पडावेत, यासाठी अशा प्रकारच्या सरावाला विशेष महत्त्व असल्याचे यावेळी सांगण्यात आले.
