नाशिकच्या बऱ्याच भागांत आणि त्र्यंबकेश्वर परिसरामध्ये जवळपास 300 मिमी इतका प्रचंड पाऊस होऊ शकतो..
पोलीस वार्ता, नाशिक | नाशिक जिल्हा आणि विशेषतः त्र्यंबकेश्वर परिसरात येत्या 24 तासांत एक मोठा तीव्र कमी दाबाचा पट्टा तयार होत असून, त्यामुळे दि. 7 जुलै 2026 रोजी या भागात ढगफुटी सदृश अतिवृष्टी होण्याची दाट शक्यता असल्याची माहिती हवामान खात्याने दिली आहे. राज्याचे मुख्यमंत्री देवेंद्र फडणवीस यांनी देखील ही माहिती प्रसार माध्यमांना दिली आहे. मंत्रालयातील राज्य आपत्ती व्यवस्थापन नियंत्रण कक्षातून परिस्थितीचा आढावा घेतल्यानंतर ते माध्यमांशी बोलत होते. नाशिक जिल्ह्यातील नागरिकांनी सतर्क राहण्याचे आवाहन मुख्यमंत्र्यांनी केले आहे.
हवामान खात्याने दिलेले अंदाजानुसार या ढगफुटीमुळे नाशिकच्या बऱ्याच भागांत आणि त्र्यंबकेश्वर परिसरामध्ये जवळपास 300 मिमी इतका प्रचंड पाऊस होऊ शकतो. ही एक मोठी आणि गंभीर घटना असण्याची शक्यता असल्याने राज्य सरकार आणि जिल्हा प्रशासन या परिस्थितीवर अतिशय नाजूक लक्ष ठेवून आहेत.
