सीसीटीव्ही फुटेज उपलब्ध असून देखील सीसीटीव्हीत दिसणारे वाहन तसेच संशयास्पद कामगिरी करणारे पोलीस कर्मचारी यांच्यावर कुठलाही चौकशी आदेश नाही..
पोलीस वार्ता भोर | पुणे जिल्ह्याच्या भोर तालुक्यातील राजगड पोलीस ठाणे हद्दीतील कामथडी येथील काही पोलीस अधिकारी व कर्मचाऱ्यांच्या सीसीटीव्हीत मिळालेल्या संशयास्पद कामासंदर्भात वरिष्ठांना लेखी तक्रार करून देखील सहा महिन्यांचा कालावधी उलटूनही अद्याप कुठलीच चौकशी अथवा कारवाई झालेले नाही.
सविस्तर माहिती अशी की, पुणे जिल्ह्यातील राजगड स्थानिक पोलीस गुन्हे शाखेने दि.22/09/2025 रोजी एका गुन्ह्याच्या तपासात प्रतिबंधित गुटखा पानमसाला मुद्देमाल जप्त केला होता. व 355/2025 प्रमाणे गुन्हा दाखल केला होता. परंतु त्याच रात्री 10 वाजण्याच्या सुमारास कारवाईत जप्त केलेला मुद्देमाल बॉक्समध्ये भरून संशयितरित्या वाहतूक करून नेण्यात आला. यासंदर्भात सीसीटीव्ही फुटेज उपलब्ध असून देखील सीसीटीव्ही मध्ये दिसणारे वाहन तसेच संशयास्पद कामगिरी करणारे पोलीस कर्मचारी यांच्यावर कुठलाही चौकशी आदेश वरिष्ठांकडून मिळालेले नाही.
याउलट माणगाव चोरीच्या गुन्ह्यात दोषी आढळून आल्यामुळे रायगड जिल्हा स्थानिक गुन्हे अन्वेषण शाखेच्या पोलीस उपनिरीक्षकासह 6 जणांवर निलंबनाची कारवाई 27 एप्रिल 2026 रोजी पोलीस अधीक्षकांकडून करण्यात आली होती. त्याच प्रकारचा गंभीर गुन्हा पुणे जिल्ह्यात राजगड पोलीस ठाणे हद्दीतील कामथडी येथे घडूनही, तक्रार करूनही अद्याप नागरिक कारवाईची वाट बघत बसले आहे.
