फैजपुर नगरपालिकेच्या गलथान कारभारामुळे शहर बनले घाणीचे साम्राज्य, लोकांचे आरोग्य धोक्यात!

फैजपुर नगरपालिका अधिकारी त्यांची जबाबदारी झटकत असल्याकारणाने शहर घाणीच्या विळख्यात अडकडे आहे..

पोलीस वार्ता, भुसावळ | यावल तालुक्यातील ऐतिहासिक शहर म्हणून ओळख असलेले फैजपूर शहर हे सद्या घाणीच्या विळख्यात सापडले आहे. याला फैजपूर नगरपालिका जबाबदार असून लोकांच्या आरोग्याशी खेळण्याचा जाणीवपूर्वक प्रयत्न येथील पालिका नगराध्यक्ष व अधिकारी, कर्मचाऱ्यांचा असल्याचा दिसून येत आहे. वेळोवेळी नागरिकांनी घाणीच्या संदर्भात तक्रारी व लेखी निवेदने देऊन देखील पालिका अधिकारी यावर आजपर्यंत कानाडोळा करत राहिले आहे.

फैजपुर नगरपालिका अधिकारी त्यांची जबाबदारी झटकत असल्याकारणाने शहर घाणीच्या विळख्यात अडकडे आहे. असा फैजपूर शहरासह तालुक्यातील जनतेचा आरोप आहे. दर बुधवारी भरणारा आठवडे बाजार हा देखील पर्यायी जागा नसल्यामुळे ह्याच घाणीच्या परिसरात भरत असतो. परंतु नगरपालिका याकडे कुठल्याही गांभीर्याने लक्ष देत नाही.

पावसाळा सुरू झाला असून पावसाच पाणी या घाणीत साठून मच्छर व दुर्गंधी वाढली असून लवकरच रोगांमुळे शहरातील लोकांचे आरोग्य धोक्यात येणार आहे. या घाणीत विषारी किडे जंतू यांचा वावर वाढला आहे. घाणीमुळे पसरणाऱ्या रोगांमुळे कोणाचा जीव जाण्याची वाट पालिका नगराध्यक्ष व आरोग्य अधिकारी पाहत आहे का? असा प्रश्न शहरातील नागरिकांना पडला आहे?

तरी जळगाव जिल्हाधिकारी यांनी या गंभीर समस्येवर लक्ष देऊन त्वरित उपाययोजना व कारवाई करण्याचे आदेश फैजपूर नगर परिषदेला द्यावे. अशी फैजपूर शहर वासियांची मागणी आहे. लोकांना आरोग्याबाबत समस्यांवर आंदोलन करण्यास भाग पाडू नये. आणि तशी वेळ आली तर शहरातील लोक पालिका विरोधी आंदोलन करण्यास रस्त्यावर उतरतील अशी चर्चा नागरिकांमध्ये सुरू आहे.