नाशिकरोड मध्यवर्ती कारागृहात ‘प्रयास टाटा सामाजिक विज्ञान संस्थेच्या सहकार्याने व्यसनमुक्तीवर व्याख्यान

जिल्हा रुग्णालयातील समुपदेशक कविता पवार यांनी राष्ट्रीय तंबाखू नियंत्रण कार्यक्रमांतर्गत व्यसनांचे दुष्परिणाम या ‍विषयावर मार्गदर्शन..

पोलीस वार्ता, नाशिक : नाशिकरोड येथील मध्यवर्ती कारागृहात ‘प्रयास टाटा सामाजिक विज्ञान संस्था’, मुंबईच्या सहकार्याने बंदिवानांसाठी/कैद्यांसाठी सुधारणा आणि पुनर्वसनाच्या दृष्टीने व्यसनमुक्तीवर व्याख्यानाचे आयोजन करण्यात आले होते. कारागृह अधीक्षक अरुणा मुगुटराव यांनी ही माहिती दिली आहे.

याप्रसंगी जिल्हा रुग्णालयातील समुपदेशक कविता पवार यांनी राष्ट्रीय तंबाखू नियंत्रण कार्यक्रमांतर्गत व्यसनांचे दुष्परिणाम या ‍विषयावर मार्गदर्शन केले. तुरुंगाधिकारी एस. एस. भुसारे, एम.एम.शेख, सामाजिक कार्यकर्त्या उज्ज्वला पाटील, ‘प्रयास’चे प्रवीण महिरे, सुनील कोळी, अनुपमा मुंडे आदी मान्यवर उपस्थित होते.