कौटुंबिक वादातून डिंगबर बढे यांनी स्वतःच्या डोक्यात बंदुकीची गोळी मारली होती. त्याच्या पायाजवळ बंदुक पडलेली होती..
पोलीस वार्ता, भुसावळ : शहरातील कोलते गल्ली, गंगाराम प्लॉट येथील रहिवासी यांच्या कुटुंबात गेले तीन ते चार दिवसापासून स्वयंपाक येत नाही. या कारणाने कौटूंबिक किरकोळ वाद घरात चालू होता. अचानक दि.12 मे रोजी कुटुंबातील पुरुष बढे यांनी स्वतःच्या डोक्यात गावठी बंदुकीने गोळी मारून आत्महत्या केल्याची घटना सकाळी 10.30 वाजेच्या दरम्यान घडली. मृत्यू झालेल्या व्यक्तीचे नाव डिंगबर बेनीराम बढे (वय-56) असे आहे.
मृत डिंगबर बढे यांचे पत्नी पदमा बढे यांच्याशी तीन ते चार दिवसांपासून किरकोळ वाद चालू होता. जावई कोमल मधुकर महाजन यांनी मध्यस्थी करून दोघांना समजवण्याचा प्रयत्न केला मात्र दोघे जण ऐकण्याच्या मनस्थितीत नव्हते. दि.12 मे रोजी सकाळी 10.30 वाजेच्या सुमारास सासरे डिंगबर बढे यांनी जावई यांना फोन केला.” मला ठेवायला ये ” असे बोलून फोन कट केला. त्यानंतर 10.45 वाजेला दीपिका महाजन यांनी कोमल यास फोन करून माहेरी जावून या काही तरी घटना घडली आहे. त्यावरून कोमल सासरी कोलते गल्ली, गंगाराम प्लॉट येथे आले व घरात जावून पाहिले असता सासरे डिंगबर बढे यांनी स्वतःच्या डोक्यात बंदुकीची गोळी मारली होती.
त्याच्या पायाजवळ बंदुक पडलेली होती. त्यांच्या पश्चात पत्नी व मुलगी असा त्यांचा परिवार आहे. कोमल महाजन यांनी दिलेल्या माहितीवरून भुसावळ बाजारपेठ पोलीस ठाण्यात अकस्मात मृत्यूच्या नोंद दाखल करण्यात आली आहे. घटनेचा पुढील तपास सहा.पोनि. निलेश गायकवाड हे करीत आहेत. मृत बढे यांचे शवविच्छेदन भुसावळ जिल्हा शासकीय रुग्णालय, जळगांव येथे करण्यात आले आहे.
-
पोलीस अधिकाऱ्यांची घटनास्थळी धाव..
शहरातील कोलते गल्ली येथे एका इसमाने स्वतःच्या डोक्यात बंदुकीने गोळी मारून आत्महत्या केल्याची माहिती मिळताच उपविभागीय पोलीस अधिकारी कृष्णांत पिंगळे, बाजारपेठ पोलीस ठाण्याचे निरीक्षक राहुल वाघ त्याचप्रमाणे गुन्हे शोध पथकातील पोलीस कर्मचाऱ्यांनी घटनास्थळी धाव घेतली, ठसे तज्ञांना घटनास्थळी पाचारण केले. व घटनेची माहिती घेतली.
-
बंदूक आली कोठून.?
