पाटाळातील वर्धा नदीच्या पुलावरून युवकाने नदीत घेतली उडी, घटना सीसीटीव्हीमध्ये कैद..

सदर युवकाचे नाव प्रणय संजय गोखरे असून तो वणीतील जैन ले आउट भागात राहत होता..

पोलीस वार्ता, यवतमाळ : वणी शहरातील पाटाळा येथील वर्धा नदीच्या पुलावरून एका 23 वर्षीय युवकाने नदीत उडी मारल्याची धक्कादायक घटना घडली आहे.

मिळालेली सविस्तर माहिती अशी की, आज दि.27 ऑगस्ट रोजी दुपारी 2 वाजेच्या सुमारास वर्धा नदीच्या पुलावरून एका युवकाने नदीत उडी घेतली. ही घटना महामार्गावरील सीसीटीव्ही मध्ये कैद झाली असून पुलाजवळ युवकाची बाईक ही आढळली आहे. सदर युवकाचे नाव प्रणय संजय गोखरे असून तो वणीतील जैन ले आउट भागात राहत होता. असे कळले आहे.

या घटनेची माहिती स्थानिकांकडून मिळतात वणी पोलीस ठाण्याचे पोलीस निरीक्षक गोपाळ उंबरकर यांनी पथकासह घटनास्थळी पोहचून नदीत उडी घेतलेल्या युवकाचा शोध घेण्यासाठी एनडीआरएफ टीमला बोलावले. अधिक तपास पोलीस करीत आहे.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532