नवीन दवाखान्यांमध्ये पशूंसाठी एक्स-रे मशीन, रक्त तपासणीसाठी आधुनिक उपकरणे, उपचार साहित्य, तसेच पशुसंवर्धनासाठी आवश्यक इतर सर्व सुविधा उपलब्ध..
पोलीस वार्ता, पुणे : जिल्ह्यात 16 ठिकाणी ‘मॉडेल पशुवैद्यकीय दवाखाने’ उभारण्यास प्रशासकीय मंजुरी मिळाली आहे. या नव्या दवाखान्यांमुळे आधुनिक सुविधा, व तत्काळ उपचार आणि प्रयोगशाळा सेवांचा लाभ पशुपालकांना मिळणार आहे, जिल्ह्यातील ग्रामीण भागातील पशुपालकांना दर्जेदार आणि अत्याधुनिक आरोग्यसेवा उपलब्ध करून देण्यासाठी जिल्हा परिषदेने हे मोठे पाऊल उचलले असून सध्याचे 28 दवाखाने देखील दुरुस्तीसाठी निवडण्यात आले आहेत. यामुळे उपचार प्रक्रियेला गती देणे हा मुख्य उद्देश असल्याचे जिल्हा परिषदेचे मुख्य कार्यकारी अधिकारी गजानन पाटील यांनी माहिती दिली आहे.
राज्याच्या पशुसंवर्धन विभागाकडील 95 पुणे जिल्ह्यातील पशुवैद्यकीय दवाखान्यांचा ताबा नवीन विशेष रचनेनुसार पुणे जिल्हा परिषदेकडे वर्ग करण्यात आला आहे. त्यामुळे या सर्व दवाखान्यांचे नियंत्रण आणि व्यवस्थापन पुणे जिल्हा परिषद करेल.
-
या गावांचा समावेश आणि नवीन आधुनिक सुविधा उपलब्ध होणार..
नवीन दवाखान्यांमध्ये पशूंसाठी एक्स-रे मशीन, रक्त तपासणीसाठी आधुनिक उपकरणे, उपचार साहित्य, तसेच पशुसंवर्धनासाठी आवश्यक इतर सर्व सुविधा उपलब्ध होणार आहे. हे दवाखाने ‘मॉडेल पशुवैद्यकीय दवाखाने’ म्हणून विकसित केले जाणार आहेत.
