ओंकार बिअर शॉपीच्या पाठीमागील पत्र्याच्या शेडमध्ये पोलिसांकडून छापा टाकण्यात आला, राजगड पोलीस ठाण्यात गुन्हा दाखल..
पोलीस वार्ता, भोर | तालुक्यातील सांगवी बुद्रूक परिसरात बेकायदेशीर देशी दारू विक्री करणाऱ्या एका व्यक्तीवर राजगड पोलीसांनी कारवाई केली आहे. या प्रकरणी राजगड पोलीस ठाण्यात महाराष्ट्र दारूबंदी कायदा कलम 65(ई) प्रमाणे गुन्हा रजि.क्र. 248/2026 दाखल करण्यात आला आहे.
पोलिसांनी दिलेल्या माहितीनुसार, दि. 29 जून 2026 रोजी सायंकाळी सुमारे 6.30 वाजण्याच्या सुमारास मौजे सांगवी बुद्रूक, ता.भोर, जि.पुणे येथील पारवडी गावाकडे जाणाऱ्या रस्त्यालगत असलेल्या ओंकार बिअर शॉपीच्या पाठीमागील पत्र्याच्या शेडमध्ये पोलिसांकडून छापा टाकण्यात आला. यावेळी आरोपी संदिप सर्जेराव दमिष्टे (वय 44 वर्षे, रा.सोनवडी, ता.भोर, जि.पुणे) हा बेकायदेशीर देशी दारूचा साठा बाळगून विक्री करत असल्याचे आढळून आले.
