अल्पवयीन मुलाकडून रेल्वे कर्मचाऱ्याचा खून, पोलिसांकडून तपास सुरू..
पोलीस वार्ता, भुसावळ | शहरातील पाटील मळा परिसरात मोटरसायकलवरून जात असलेल्या तुषार गोविंदा सोनवणे (वय-35 वर्षे, रा. श्रावस्ती नगर, भुसावळ) या रेल्वे कर्मचाऱ्यावर मागून येऊन चाकूने सपासप वार केल्याची धक्कादायक घटना गुरुवारी दि.10 सप्टेंबर 2026 रोजी सायंकाळी 8:30 वाजेच्या सुमारास घडली. सोनवणे हे रेल्वेच्या एम.ओ.एच. शेडमध्ये कर्मचारी असल्याची माहिती आहे. या घटनेमुळे परिसरात खळबळ उडाली आहे.
प्राथमिक माहितीनुसार, तुषार सोनवणे हे मोटरसायकलवरून पाटील मळा परिसरातून जात असताना एका अल्पवयीन मुलाने पाठीमागून येत त्यांच्यावर चाकूने हल्ला केला. हल्ल्यात सोनवणे गंभीर जखमी झाल्याचे समोर आले असून, घटनेची माहिती मिळताच बाजारपेठ पोलीस ठाण्याला आपत्कालीन क्रमांक 112 वरून माहिती देण्यात आली.
