जामनेर तालुक्यात 40 वर्षीय महिलेवर सामूहिक अत्याचार, 14 आरोपींना पोलिसांनी घेतले ताब्यात!

महिलेच्यावमित्रासमोरच दोन आरोपी युसूफ तडवी आणि अशपाक तडवी यांनी जबरदस्तीने तिच्यावर सामूहिक अत्याचार केला..

पोलीस वार्ता, जळगाव | जिल्ह्यात जामनेर तालुक्यामधील फत्तेपूर पोलीस ठाणे हद्दीत कापूसवाडी गावाजवळील जंगलात ऐका 40 वर्षीय महिलेवर सामूहिक अत्याचार केल्याची घटना घडली आहे. या नराधमांनी पीडितेवर अत्याचार करतांनाचा व्हिडिओ बनवून  तो सोशल मीडियावर व्हायरल केला आहे. या संतापजनक घटनेमुळे फत्तेपूर परिसरात ऐकच खळबळ उडाली आहे. सदर घटनेत फत्तेपूर पोलिसांनी 14 आरोपींना अटक केली आहे.

मिळालेली माहिती अशी की, दि. 2 जून रोजी देऊळगाव-कापूसवाडी रस्त्यावरील ठांबरडा नाल्याजवळील निर्जन जंगल परिसरात 40 वर्षीय महिला तिच्या मित्रासोबत बसली असताना, तिच्या मित्रासमोरच दोन आरोपी युसूफ नामदार तडवी आणि अशपाक इमाम तडवी यांनी जबरदस्तीने तिच्यावर सामूहिक अत्याचार केल्याचा आरोप आहे. या घटनेदरम्यान इतर आरोपींनी संपूर्ण प्रकाराचे मोबाईलवर चित्रीकरण केले होते. त्यापैकी एका संशयिताने हा व्हिडीओ सोशल मीडियावर व्हायरल केल्यानंतर प्रकरण वाढले.

या घटनेची माहिती मिळताच फत्तेपूर पोलिसांनी पीडितेच्या तक्रारी नंतर घटनेचे गांभीर्य पाहता आरोपींवर भारतीय न्याय संहिता कलम 70(1), 77 तसेच माहिती तंत्रज्ञान कायद्याच्या कलम 66 व 67 अंतर्गत गुन्हा नोंदविला आहे. पोलीस अधीक्षक श्रीकांत धिवरे यांनी व इतर वरिष्ठ पोलीस अधिकाऱ्यांनी तातडीने घटनास्थळी भेट देऊन, पाहणी केली असून फरार आरोपीचा शोध सुरू आहे. सदर घटनेतील बलात्कार करणाऱ्या दोघा आरोपींपैकी एक प्रमुख आरोपी फरार असून पोलीस त्याचा शोध घेत आहेत. पीडिता आणि संशयित आरोपी तरुण हे एकमेकांच्या परिचयातील असल्याची माहिती पोलीस सूत्रांनी दिली आहे. सर्व आरोपींवर कडक कारवाई करण्याचे आदेश पोलीस अधीक्षकांनी दिले आहेत.