भगूरमध्ये आमदार सरोज अहिरे यांच्या हस्ते विकासकामाचे भूमीपूजन व लोकार्पण संपन्न!

दोन्ही कामांमुळे भगूरच्या विकासाला गती मिळणार आहे. देवळाळीच्या आमदार अहिरे म्हणाल्या..

पोलीस वार्ता, देवळाली | भगूर नगरपरिषदेच्या वतीने आयोजित स्मशानभूमी भूमिपूजन आणि मंडल अधिकारी कार्यालय लोकार्पण सोहळा कार्यक्रम देवळाळीच्या आमदार सरोज अहिरे यांच्या हस्ते दि.12 सप्टेंबर रोजी संपन्न झाला. यावेळी भगूर नगराध्यक्षा सौ.प्रेरणा बालकवडे व आदी मान्यवर उपस्थित होते. या कार्यक्रम प्रसंगी बोलताना आमदार अहिरे म्हणाल्या, “काही लोक फक्त बॅनरबाजी आणि श्रेय घेण्यात व्यस्त आहेत. मला राजकारण करायला वेळच नाही. माझ्या टेबलावर आणि मतदारसंघात फक्त विकास कामांच्या फाईलींची रांग लागली आहे. बोरखिंड इंटरचेंज असो, पाणी योजना असो वा स्मशानभूमी असो, माझे काम मी बोलून नाही तर, करून दाखवते.”

आमदारांच्या हस्ते देवळाली मतदारसंघातील भगूर येथे
१) 3 कोटी 50 लाख रुपयांच्या स्मशानभूमी विकास कामाचे भूमिपूजन आणि 2) मंडळ अधिकारी कार्यालय लोकार्पण संपन्न झाले. ही दोन्ही कामे पूर्ण करून आमदारांनी भगूरच्या विकासाला नवी गती दिली आहे. काही दिवसांपूर्वी भगूर येथील मनसेच्या पदाधिकाऱ्यांनी स्मशानभूमी दुरुस्तीसाठी ‘भीक मागो आंदोलन’ करून मुख्याधिकारी यांना निवेदन देऊन स्मशानभूमीच्या दुरावस्थेवर लक्ष वेधले होते.

यावेळी तहसिलदार पंकज पवार, मुख्याधिकारी सचिन कुमार पटेल, तलाठी राजेंद्र खैरनार, तलाठी सहा. तुषार कुंडारीया, उपनगराध्यक्ष प्रसाद आडके, नगरसेवक दीपक बलकवडे, काकासाहेब देशमुख, विशाल बलकवडे, बबलु पवार, मृत्यूंजय कापसे, विद्याताई बलकवडे, जयश्री देशमुख, सुजाता शिरसाठ, लता थापेकर, अश्विनी भवार यांचेसह नगरपरिषदेचे अधिकारी सिद्धेश मुळे, रविंद्र संसारे यांचेसह नगरपरिषदेचे इतर अधिकारी व कर्मचारी

तसेच राष्ट्रवादी काँग्रेसचे नेते म्हैसधुने, नेते एकनाथ शेटे, जेष्ठ दादासाहेब देशमुख, पोलीस अधिकारी रमेश पवार, ज्येष्ठ नेते तानाजी आबा करंजकर, विशाल शिरसाठ, ज्येष्ठ नेते मधुकर कापसे, नेते विलासराव धुर्जड, सा. कार्यकर्ते अंबादास आडके, सरपंच अशोक ठुबे, कामगार नेते प्रशांत कापसे, नेते बाळासाहेब कासार, ॲड. निलेश साळवे, नितीन साळवे, सागर भवार, मा.नगरसेवक चेतन बागडे, नेते संजय पवार, नेते गायधनी, नेते निलेश हासे, नेत्या पार्वती लकारीया महिला आदी नागरिक मोठ्या संख्येने उपस्थित होते.