20 पेक्षा जास्त कंपन्यांचे प्रतिनिधी जिल्ह्यातील नोकरीच्या एकूण 1 हजार 251 पेक्षा जास्त विविध रोजगाराच्या संधी उपलब्ध करुन देणार..
पोलीस वार्ता, नाशिक | जिल्हा कौशल्य विकास रोजगार व उद्योजकता मार्गदर्शन केंद्र, नाशिक, युवाशक्ती फाउंडेशन, नाशिक आणि म्हाळसााकांत शैक्षणिक व सामाजिक संस्था, चंदनपुरी, ता.मालेगाव यांच्या संयुक्त विद्यमाने आप्पासाहेब बुवाजी रामभाऊ पाटील वरिष्ठ महाविद्यालय, चंदनपुरी, ता.मालेगाव या ठिकाणी बुधवार दि.22 जुलै 2026 रोजी सकाळी 10:30 वाजतापासून ते दुपारी 03:00 वाजेपर्यंत या वेळेत पंडित दीनदयाळ उपाध्याय रोजगार मेळाव्याचे आयोजन केले आहे. नोकरी इच्छुक उमेदवारांना मेळाव्यात सहभागी होण्याचे आवाहन कौशल्य विकास, रोजगार व उद्योजकता नाशिकचे सहा. आयुक्त यांनी दि.17 जुलै रोजी जाहिरात देऊन केले आहे.
आयोजित रोजगार मेळाव्यासाठी बॉश लिमिटेड, नाशिक रिक्तपदे- 150, महिंद्रा अँड महिंद्रा, नाशिक रिक्तपदे- 150, जे के.मैनी प्रेसिजन टैक्नोलॉजी लि.रिक्तपदे- 100, एमएसएल ड्राईव्ह आईन सिस्टम लि.रिक्तपदे- 50, बजाज सन्स लिमिटेड रिक्तपदे – 50, तापरिया टुल्स लि.रिक्तपदे- 50, एमडी इंडस्ट्रीज & एमडी कंपोनेन्टस. रिक्तपदे- 100, आनंद आय पावर नाशिक रिक्तपदे- 10, ब्लू स्टार लिमिटेड, पालघर रितपदे- 150, आयएसी इंटरनॅशनल ऑटो इं. प्रा.लि. रिक्तपदे- 50, एस्टोमो इंडिया लि. नाशिक रिक्तपदे- 100, गॅबरिल इंडिया लि. नाशिक रिक्तपदे- 50, मॉस्डोरुर इंडिया प्रा.लि. नाशिक रिक्तपदे- 50, सतिश टॉय मॅन्युफॅक्चरींग एलएलपी, रिक्तपदे- 50, वैष्णवी ऑओ (पी) लिमिटेड नाशिक, रिक्तपदे- 50, जेबीएम ऑटो लि., रिक्तपदे- 50, औरंगाबाद ऑटो ॲनिसिलरी प्रा.लि., रिक्तपदे- 40, निमाली इंजिनियरिंग सर्व्हिसेस, रिक्तपदे- 15, इक्वीटास स्माल फायनान्स बॅक, रिक्तपदे- 05, ज्ञानज्योती सर्व्हिसेस, रिक्तपदे- 15, अशा एकूण 20 पेक्षा जास्त आस्थापना /कंपन्या व त्यांचे प्रतिनिधी जिल्ह्यातील युवक/ युवतींना एकूण 1 हजार 251 पेक्षा जास्त विविध रोजगाराच्या संधी उपलब्ध करुन देणार आहे.
