‘संविधान दिन’ विशेष मोहीम; 26 व 27 नोव्हेंबर 2025 रोजी जात पडताळणी प्रलंबित प्रकरणांना समितीकडून निर्णय!

मागासवर्गीय विद्यार्थ्यांचे त्रुटी पूर्ततेअभावी प्रलंबित जात पडताळणी अर्जांच्या पुर्ततेसाठी विशेष मोहिमेचे आयोजन..

पोलीस वार्ता, नाशिक : जिल्हा जात पडताळणी समिती कार्यालयाच्या वतीने 26 नोव्हेंबर, संविधान दिनानिमित्त शैक्षणिक वर्ष इयत्ता 12 वी विज्ञान शाखा तसेच विविध व्यावसायिक अभ्यासक्रम शिक्षण घेत असलेल्या मागासवर्गीय विद्यार्थ्यांचे त्रुटी पूर्ततेअभावी प्रलंबित जात पडताळणी अर्जांच्या पुर्ततेसाठी विशेष मोहिमेचे आयोजन येत्या 26 व 27 नोव्हेंबर 2025 रोजी करण्यात आले आहे. अशी माहिती अधिकारी योगेश पाटील यांनी दिली आहे.

मोहिमेत समितीकडे ज्या विद्यार्थ्यांचे/अर्जदारांचे प्रकरणे प्रकरणे प्रलंबित आहेत व ज्या अर्जदारांनी त्रुटीची पूर्तता केलेली नाही किंवा ज्या अर्जदारांना समितीकडून ईमेलवर सीसीव्हिआयएस-ll प्रणालीवर त्यांच्या अर्जातील त्रुटी कळविल्या आहेत परंतु त्रुटींची पूर्तता त्यांनी केलेली नाही, अशा इयत्ता 12 वी विज्ञान शाखेतील तसेच विविध व्यावसायिक अभ्यासक्रम शिक्षण घेणाऱ्या मागासवर्गीय अर्जदारांच्या त्रुटींची पूर्तता 26 व 27 नोव्हेंबर 2025 रोजी कार्यालयीन वेळेत जिल्हा जात पडताळणी समितीच्या कार्यालयात पूर्ण करण्यात येणार आहे.

विद्यार्थ्यांनी/अर्जदाराने जात प्रमाणपत्र पडताळणी करण्यासाठी कोणत्याही तिराहित व्यक्तीच्या अमिषास बळी पडू नये तसेच अशा कोणालाही संपर्क साधू नये. असे आवाहन समितीचे अधिकारी पाटील यांनी केले आहे.