चार मजली जुन्या इमारतीचा वरचा स्लॅब कोसळून, सहा जण ढिगाऱ्याखाली अडकून मृत्युमुखी पडले, मृतांमध्ये एक चिमुरडी..
पोलीस वार्ता, ठाणे : राज्यात सर्वच ठिकाणी आज मंगळवारी पावसाच्या सरी पडल्या पुणे, मुंबई, नाशिकसह अन्य ठिकाणी दिवसभर पाऊस पाहायला मिळाला त्यातच ठाण्याच्या कल्याण पूर्व येथील चिकणीपाडा मंगलराघो नगर भागात एक इमारत दुर्घटना झाली आहे. आज 20 मे, मंगळवारी दुपारी 4 वाजेच्या दरम्यान चार मजली असलेल्या श्री सप्तशृंगी हौसिंग सोसायटीच्या वरच्या मजल्याचे छत कोसळून सहा जणांचा मृत्यू झाल्याचे समोर आले आहे. तर आणखीन पाच जण जखमी झाले आहे. त्यांच्यावर रुग्णालयात उपचार चालू आहेत.
दुर्घटनेचे माहिती मिळताच अग्निशनम दल, महापालिकेचे पथक घटनास्थळी दाखल झाले होते. बचाव कार्यात प्रथम आठ जणांना ढिगाऱ्याखालून बाहेर काढले गेले. पण त्यातील सहा जण मृत्यू झाले होते. मृतांमध्ये दोन पुरुष, तीन महिला, आणि एक दीड वर्षाची मुलगी होती. इतर दोघांना जखमी असल्यामुळे रुग्णालयात दाखल करण्यात आले आहे.
श्री सप्तशृंगी हौसिंग सोसायटीच्या रहिवासी नागरिकांना मान्सून सुरू होण्यापूर्वीच इमारत खाली करण्यास सांगण्यात सांगितले होते, असे आता महापालिकेकडून स्पष्ट करण्यात आल्याचे समोर आले आहे. ही इमारत 40 वर्षे जुनी झाली असून धोकादायक स्थितीत नागरिक येथे राहत होते.
-
मृतांची नावे..
1)प्रमिला साहू (58)
2) नामस्वी शेलार (1.5)
3) सुनीता साहू (37)
4) सुजाता पाडी (32)
5) सुशीला गुजर (78)
6) व्यंकट चव्हाण (42)
-
जखमीची नावे..
1) अरुणा रोहिदास गिरणारायन (48)
2) शरवील श्रीकांत शेलार (04)
3) विनायक मनोज पाधी (4.5)
4) यश क्षीरसागर (13)
5) निखिल खरात (27)
6) श्रद्धा साहू (14)
