जळगाव येथील पोलीस स्पोर्ट अकॅडमीची विद्यार्थिनी माही स्वप्निल भंगाळे हिने स्केटिंग क्रीडाक्षेत्रात उल्लेखनीय यश संपादन करत आंतरराष्ट्रीय स्तरावर झेप घेतली आहे. तिच्या या भरीव कामगिरीबद्दल केंद्रीय राज्यमंत्री रक्षाताई खडसे यांच्या हस्ते तिचा सत्कार करण्यात आला.
दि. 7 आणि 8 जानेवारी 2026 रोजी पुणे येथे आयोजित राष्ट्रीय स्केटिंग स्पर्धेत माहीने महाराष्ट्राचे प्रतिनिधित्व करत कांस्य पदक पटकावले. या यशामुळे तिची आंतरराष्ट्रीय स्तरावरील स्पर्धेसाठी निवड निश्चित झाली आहे.
याचबरोबर स्केटिंगमध्ये सलग 1 तास 26 सेकंदांचा उपक्रम पूर्ण करत माहीने विक्रम प्रस्थापित केला असून तिची नोंद Asian Book of World Records तसेच Book of World Records येथे करण्यात आली आहे.
माहीच्या या यशामुळे जळगाव जिल्ह्याच्या क्रीडाक्षेत्रात अभिमानाची भर पडली असून सर्व स्तरांतून तिच्यावर कौतुकाचा वर्षाव होत आहे.
