यवतमाळ जिल्ह्यात पोलीस दलाकडून रोजगार मेळाव्याचे आयोजन, सहा दिवसात 1320 जणांनी दिल्या मुलाखती!

दि.17 फेब्रुवारी, सकाळी 9 वाजेपासून सुरू झालेल्या या रोजगार मेळाव्याचा शेवट आज दि.22 फेब्रुवारी, शनिवार सायं 5 वाजता झाला.

पोलीस वार्ता, यवतमाळ : जिल्हा पोलीस दलाचे वतीने ‘रोजगार मेळावा-ऑपरेशन प्रस्थान’ हा उपक्रम यवतमाळ जिल्ह्यातील विविध तालुक्यात दि.17 फेब्रुवारी ते 22 फेब्रुवारी 2025 दरम्यान राबविण्यात आला.

‘ऑपरेशन प्रस्थान’ हे सुरक्षारक्षक आणि सुरक्षा पर्यवेक्षक या पदाकरीता आहे. याचा उद्देश्य गुन्हेगारी, व्यसन व वाईट मार्गाकडे वळणाऱ्या तरुण पिढीला रोखण्यासाठी तसेच शाळा व कॉलेज सोडलेल्या तरुणांना व्यावसायिक शिक्षण देऊन त्यांना रोजगाराच्या संधी उपलब्ध करून देण्याचा आहे. यवतमाळ पोलीस दलाकडून पुढाकार घेऊन हा कार्यक्रम यशस्वीरित्या राबविण्यात आला.

दि.17 फेब्रुवारी, सकाळी 9 वाजेपासून सुरू झालेल्या या रोजगार मेळाव्याचा शेवट आज दि.22 फेब्रुवारी, शनिवार सायं 5 वाजता झाला. मेळाव्यात जिल्ह्यातील यवतमाळ, बाभुळगाव, कळंब, दारव्हा, नेर, दिग्रस, आर्णी, उसद, उमरखेड, महागांव, पांढरकवडा, राळेगाव, घाटंजी, वणी, मारेगांव, झरी जामणी या सर्व तालुक्यातील उमेदवारांसाठी मुलाखतीची तारीख व ठिकाण याचे वेळापत्रक जिल्हा पोलीस दलाकडून पहिलेच प्रसारित केले होते. ठिकाण वेगवेगळे असले तरी सर्व मुलाखती या सकाळी 9 ते सायं 5 वाजेच्या दरम्यानच घेण्यात आल्या

वणी येथे जि.पो. अधीक्षक श्री कुमार चिंता सो. यांचे संकल्पनेतून व अप्पर पो. अधीक्षक यवतमाळ श्री पियुष जगताप सो. यांचे मार्गदर्शनात या संपूर्ण मेळाव्याचे आयोजन केले होते. रोजगार मेळाव्याच्या माध्यमातून युवकांना रोजगार देण्यासाठी 10 वेगवेगळ्या कंपन्यांनी मेळाव्यात सहभाग नोंदवून मुलाखती घेतल्या.

या मेळावा कालावधीत जिल्हातील वेगवेगळ्या भातील युवक व युवती दिलेल्या ठिकाणी मोठ्या संख्येने सकाळी 9 वाजता उपस्थित राहत होते. सहा दिवस चाललेल्या या मेळाव्यात तब्बल 1102 युवक आणि 118 युवती अश्या एकूण 1320 जणांनी मुलाखती दिल्या. यात पात्र उमेदवारांना लवकरच कंपनीकडून नियुक्तीपत्र देण्यात येईल.

सदर रोजगार मेळाव्यात आलेल्या सर्व उमेदवार तसेच उपस्थित सर्व पोलीस अधिकारी, कर्मचारी यांची जेवणाची-पाण्याची व्यवस्था जिल्हा पोलीस प्रशासनाकडून करण्यात आली होती. संपूर्ण मेळावा पोलीस अधिकारी श्री गणेश केंद्रे सो. वणी यांचे देखरेखेत संपन्न झाला. यावेळी पो. नि. वणी श्री गोपाल उंबरकर सो, पो. नि शिरपूर श्री माधव शिंदे सो. पो. नि. मारेगव श्री संजय सोळंके सो, पो. नि. मुकुटबन श्री दिलीप वडगावकर सो, पो. नि. पाटण श्री स्वप्निल ठाकरे सो. हे सर्व अधिकारी वर्ग आणि अमलदार उपस्थित होते.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532