तात्काळ जामनेर रोडवरील इंदिरानगर, कालिका माता मंदिराजवळ पोहचून सापळा रचला आणि केलेल्या शोध मोहिमेत तीन संशितांसह चार तलवारी जप्त केल्या आहेत..
पोलीस वार्ता, भुसावळ : शहरातील बाजारपेठ पोलीस ठाण्याच्या हद्दीत तीन इसम तलवारी घेवून फिरत असल्याची माहिती स्थानिक गुन्हे शाखा जळगांव पथकातील गोपाल गव्हाळे, सचिन पोळ, कलमलकर बागुल, गजानन देशमुख तसेच संघपाल तायडे यांना मिळताच त्यांनी तात्काळ जामनेर रोडवरील इंदिरानगर, कालिका माता मंदिराजवळ पोहचून सापळा रचला आणि गोविंदा झाडे यांच्या घराच्या बाजूला असलेल्या बोळजवळ दि.1 एप्रिल रोजी, दु.1 वाजता केलेल्या शोध मोहिमेत तीन संशितांसह चार तलवारी जप्त केल्या आहेत.
भुसावळ शहरात सर्वात जास्त गुन्ह्यांची नोंद होत असलेले पोलीस ठाणे म्हणून बजरपेठ पोलीस ठाणे पुढे येत आहे. पोलिसांचे वचक संपल्याने गुन्हेगारी वाढत आहे. पूर्ववैमनस्यातून बदले घेण्याचे सत्र शहरात सुरू असून कायदा व सुवस्था राखण्यासाठी स्थानिक गुन्हे शाखा पथक जोमाने काम करीत आहेत.शहरात तलवारी बागळुन फिरणारे संशयित स्थानिक गुन्हे शाखेने ताब्यात घेतले असून संशयितांची नावे ,सागर राजू यादव (वय 25), सागर अनिल संघवी (वय 20), भरत यादव खंडारे ( वय 18) सर्व राहणार इंदिरानगर, जामनेर रोड भुसावळ अशी आहे.त्यांच्याकडून 6 हजार रुपये किंमतीच्या चार तलवारी ताब्यात घेतल्या आहे.
