आरोपींकडून एकूण 75,000/- रू किंमतीच्या दोन चोरीच्या दुचाकी मोटार सायकल जप्त करण्यात आल्या आहेत..
पोलीस वार्ता, नाशिक : शहरात घडणाऱ्या रोजच्या चोरीच्या घटना आणि वाढती गुन्हेगारी यांना रोखण्यासाठी गुन्हेगारांना शोधून खडक कारवाई करण्याबाबत आदेश नाशिक शहर आयुक्त मा.संदीप कर्णिक साहेब यांनी दिले आहेत.
त्यानुसार नाशिक शहर पोलीस गुन्हेशाखा युनिट-2 चे पथक हद्दीत गस्त घालत असताना दि.9 एप्रिल 2025 रोजी पोह. नंदकुमार नांदुर्डीकर व चंद्रकांत गवळी यांना गुप्त माहिती मिळाली की, दोन इसम त्यांचेकडे चोरीची विनानंबर प्लेट असलेली मोपेड गाडी विकण्यासाठी दत्तमंदिर चौक येथील अमरधाम जवळ, नाशिक या ठिकाणी विक्रीसाठी येणार आहे.
सदर मिळालेली माहिती नाशिक शहर गुन्हेशाखा युनिट-2 सहा.पोनि. हेमंत तोडकर साहेब यांना देऊन त्यांच्या मार्गदर्शनात श्रेणी. पोउनि यशवंत बेंडकोळी, सपोउनि गुलाब सोनार, पोह. नंदकुमार नांदुर्डीकर, चंद्रकांत गवळी, पोअं. प्रविण वानखेडे, तेजस मते यांचे पथक तयार करून संबंधित ठिकाणी मिळालेल्या माहितीनुसार आधारे सापळा लावला, आणि पथकाकडून दोन संशयितांना ताब्यात घेतले. त्यांची नावे 1)अनिकेत उर्फ सनी नंदराज आहिरे (वय-25) हल्ली मुक्कम- जैतुननगर, संजय चाळ, मिशनमळा, शरणपुर रोड, नाशिक, मुळगाव- भाक्षी मुळाणे, ता. सटाणा, जि.नाशिक. 2)विधी संघर्षीत बालक असून त्यास ताब्यात घेवुन त्यांच्या ताब्यातुन 35,000/-रू किंमतीची स्कुटी-पेप मोपेड दुचाकी वाहन क्र. एमएच 15 जेई 4847 जप्त करून ताब्यात घेतली आहे. आरोपीने दिलेल्या कबुलीवरून सरकारवाडा पोलीस ठाणे येथे दाखल असलेला गुरनं. 92/2025 भा.न्या.सं.कलम 303(2) हा गुन्हा उघडकीस आला आहे. तसेच आरोपी अनिकेत आहिरे याने दिलेल्या माहितीवरून 40,000/- रू किंमतीची हिरोहोंडा सीडी-डॉन ही चोरीची दुचाकी देखील जप्त करण्यात आली असून एकूण 75,000/- रू किंमतीच्या दोन चोरीच्या मोटार सायकल जप्त करण्यात आल्या आहेत. याचा सविस्तर पंचनामा करून दोन जप्त मोटार सायकलसह दोन्ही आरोपींन पुढील कारवाईसाठी सरकारवाडा पोलीस ठाण्याच्या ताब्यात देण्यात आले आहे.
