भुसावळ दरोडा टाकण्याच्या तयारीत असणारी टोळी जेरबंद, पोलिसांची कारवाई!

सविस्तर माहिती अशी की, दरम्यान शहर बाजार पेठ पोलीस स्टेशनचे कर्मचारी महेश चौधरी, सोपान पाटील, राहुल वानखेडे, योगेश माळी, प्रशांत सोनार, प्रशांत परदेशी यांनी रविवारी 8 डिसेंबर 2024 रोजी सायंकाळी सव्वा-आठ दरम्यान गस्त करत असतांना पोलीस निरीक्षक राहुल वाघ यांना गोपनीय बातमी मिळाली होती. संशयित आरोपी शेख इम्रान ऊर्फे मॉडेल, रसूल शेख (वय 21) रा.भरत नगर भुसावळ, अरबाज शेख शबीर (वय 30) रा.कोळंबे हॉस्पिटल समोर, दीनदयाल नगर, भुसावळ, शेख मुज्जमिल उर्फ मज्जू शेख हकीम (वय 30) तहानगर, इस्लामपुरा फैजपूर, शेख शोएब, शेख इकबाल खाटीक (वय 25) इस्लामपुरा मशीद जवळ, फैजपूर, आदित्य सिंह ऊर्फे विक्की अजय ठाकूर (वय 20) शिव मंदिर, अरण्य नगर इंदौर, राहुल ऊर्फे चिकू राम डेंडवाल (वय 18) जवाहर गंज, वार्ड नं-44 खंडवा, मध्यप्रदेश, मोहित जितेंद्र मेलावंश (वय 19) रामेश्वर पुलाजवळ खंडवा, असा एकूण 48,200 रु. किंमतीचा मुद्देमाल 2 गावठी बनावटीचे पिस्टल, चार काडतुस, पाच तलवार, चार चाकू व एक फायटर असे साहित्य त्यांच्या कब्जातून ताब्यात घेण्यात आले आहे. पोलीस कर्मचारी भूषण चौधरी यांनी दिलेल्या फिर्यादीवरून शहर बाजारपेठ पोलीस ठाण्यात रविवार 8 डिसेंबर 2024 रोजी गुन्हा दाखल करण्यात आला आहे.