ग्रामपंचायतीच्या सरकारी नोंदवहीत सचिव आणि शिपाई यांचा मनमानी कारभार, दरा गावकऱ्यांचा आरोप?

गावकऱ्यांची दिशाभूल होत असून दरा ग्रामपंचायतीच्या आणि सरकारच्या पारदर्शक कामावर प्रश्नचिन्ह उभे राहिले आहे..

पोलीस वार्ता, झरी : तालुक्यातील दरा (साखरा) या गावात ग्रामपंचायतीच्या सरकारी नोंदवहीत खोटी नोंद केल्याचे समोर आले आहे. मूळ नोंदी बदलून खोडसाळ पणाने चुकीच्या नोंदी करण्यात आल्याचे गावकऱ्यांचे म्हणणे आहे. अशा कृतीमुळे गावकऱ्यांची दिशाभूल होत असून दरा ग्रामपंचायतीच्या आणि सरकारच्या पारदर्शक कामावर प्रश्नचिन्ह उभे राहिले आहे.

गावकऱ्यांचे ठाम मत आहे की हा खोडसाळ प्रकार दरा (साखरा) ग्रामपंचायतीचे सध्याचे सचिव आणि शिपाई यांनी संगतमताने जाणीवपूर्वक केला आहे. अश्या प्रकारे ग्रामपंचायतीत मनमानी कारभार करून यांनी आणखीन बरेच काही प्रकरणे ग्रामपंचायतिच्या शासकीय कामात केली असेल अशी शक्यता गावकऱ्यांच्या वतीने व्यक्त केली जात आहे.

या सचिव आणि शिपाई यांची चौकशी व्हावी व दोषींवर कडक कारवाई करावी या आशयाचे निवेदन पंचायत समिती गटविकास अधिकारी (जामणी) ता.झरी, जि.यवतमाळ यांना दि. 28 मे 2025 रोजी गावकऱ्यांच्या वतीने दरा येथील रहिवासी भोजराज रमेश रिंगोले यांनी दिले आहे.

निवेदनात घडलेल्या प्रकरणाची चौकशी करण्याबाबत आणि 1 ते 33 या नमुना नोंदवह्या तपासण्याबाबत म्हंटले आहे. तसेच दोषींवर निलंबनाची कारवाई केली जावे असे देखील लिहिले आहे.

आता पंचायत समिती गटविकास अधिकारी झरी (जामणी) यावर काय निर्णय घेता याकडे दरा (साखरा) गावकऱ्यांचे लक्ष लागले आहे.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532