कल्याण येथे तेरा वर्षाच्या चिमुकलीवर अत्याचार करून जीवे मारणाऱ्या सराईत गुन्हेगाराला शेवगाव येथून अटक!

कल्याणचा सराईत आरोपी विशाल गवळी याला बुलढाणा येथे शेगाव पोलिसांनी सापळा केली अटक..

पोलीस वार्ता, बुलढाणा : लहान बालिकांना धरून त्यांच्यासोबत गैर कृत्य करून त्यांची हत्या करणारा कल्याणचा सराईत आरोपी विशाल गवळी याला शेगाव पोलिसांनी सापळा रचुन धरले सकाळी 9 ते 10 वाजेच्या दरम्यान शेगाव पोलीस स्टेशनचे ठाणेदार नितीन पाटील यांना माहिती मिळाल्यानंतर त्यांनी या सराईत गुन्हेगाराचा शोध घेण्यास सुरुवात केली आपली संपूर्ण यंत्रणा, संपूर्ण टीम या कामासाठी लावली आणि शेवटी शेगाव शहरातील एका सलुनच्या दुकानांमध्ये जातांना हा व्यक्ती ट्राफिक पोलीस तसेच इतर टिमला दिसला आणि लगेच पोलिसांनी या मनोविकृत नराधमास काही क्षणातच आपल्या ताब्यात घेऊन पोलीस स्टेशनला नेऊन वरिष्ठांना माहिती दिली.

हा गुन्हेगार कल्याणचा असल्यामुळे कल्याण पोलिसांची एक टिम शेगावकरीता सकाळीच रवाना झाली होती, रात्री उशिरापर्यंत पोलीस प्रशासनाची सर्व कारवाई सुरू होती शेवटी रात्री 11 वाजेनंतर शेगाव पोलिसांनी कल्याण इथून आलेल्या प्रशासकीय टिमला या सराईत नराधमास सुपूर्त केले. या अगोदरही या गुन्हेगारावर अनेक प्रकारचे गुन्हे असून हा आतापर्यंत जामिनावर बाहेर मोकाट होता.

✍️पोलीस वार्ता, प्रतिनिधी : महेंद्र मिश्रा, बुलढाणा