अपहरण आणि खंडणी वसुली प्रकरणात चार आरोपींना शहर गुन्हे शाखा युनिट-1 कडून अटक

अपहरण करून त्यांचेकडून 1 कोटीची खंडणीची मागणी करून 15 लाख रूपये खंडणी घेतल्याची कबुली आरोपींनी दिली..

पोलीस वार्ता, नाशिक : वाढत्या गुन्हेगारीला आळा घालता यावा आणि शहरात कायदा व सुव्यवस्था बाधित राहावेत यासाठी पोलिसांचे कारवाईचे सत्र सतत चालूच आहे. त्यातच शहरातील काठे गल्ली भागात एक मोठी घटना उघडकीस आली आहे. बंदुकीचा धाक दाखवुन एका व्यवसायकाला अपहरण करून त्याच्याकडून तब्बल 1 कोटी रूपयांची खंडणीची मागितल्याची घटना घडली आहे.

मिळालेल्या माहितीनुसार, निकु उर्फ निखील दर्यानाणी यांना दि.4 एप्रिल 2025 रोजी दुपारी 3.15 वाजता नाशिक मधील काठे गल्ली सिग्नल, नाशिक-पुणे महामार्ग येथून तीन अनोळखी व्यक्तींनी बंदुकीचा धाक दाखवून अपहरण करून नेले होते. 1 कोटी रुपये खंडणी दिली तरच जिवंत सोडू असा दम दिला, त्यातील 15 लाख रुपये रोख घेतले आहे. अशी तक्रार फिर्यादी निखील दर्यानाणी यांनी मुंबईनाका पोलीस ठाणे येथे दिली होती त्यावरून गु.र.नं. 116/2025 भा.न्या.संहीता 140(2), 351(2), 3(5) सह भा.ह.का कलम 3/25, 27(2) प्रमाणे गुन्हा दाखल करण्यात आला. सदर गुन्ह्यातील आरोपींचा शोध घेण्याबाबत नाशिक शहर पोलीस आयुक्त मा.श्री.संदीप कर्णिक साहेब, पोलीस शहर उप-आयुक्त, सहा.पो.आयुक्त गुन्हे शाखा यांनी आदेश दिले होते.

त्यानुसार नाशिक शहर गुन्हेशाखा युनिट-1 च्या पथकाने घटनास्थळी भेट देवून परिसरातील सी.सी.टी.व्ही फुटेजची तपासणी करून 4 दिवस दिवसांच्या तपासानंतर तांत्रिक विश्लेषणाद्वारे आरोपींचा शोध घेवून त्यांची नावे निष्पन्न करण्यात यश मिळवले. आरोपींचे मित्र व नातेवाईक राहत असलेले ठिकाणे कसबे सुकेणे, संभाजीनगर येथील वांळूज एम.आय.डी.सी परिसरात आरोपींचा शोध घेत असताना पोअं. राहुल पालखेडे यांना गुप्त बामतीदारा मार्फत बातमी मिळाली की, सदर गुन्ह्यातील आरोपी हे नाशिक येथे आलेले असून ते विल्होळी भागात फिरत आहेत, मिळालेली माहीती वपोनि. मधुकर कड यांना दिली असता त्यांच्या मार्गदर्शनाखाली नाशिक शहर गुन्हे शाखा युनिट-1 च्या पथकाने विल्होळी भागात सापळा रचून शिताफीने 1)मोहम्मद अन्वर सैय्यद (वय 30) रा. प्रज्ञानगर नानावली नाशिक, 2)सादिक लतीफ सैय्यद (वय 39) रा. लेखानगर, नाशिक यांना ताब्यात घेवुन त्यांचे ताब्यातुन 2,88,000/- रू रोख रक्कम व मोबाईल फोन असा एकुण 3,08,000/- रू किंमतीचा मुद्देमाल हस्तगत केला आहे. आरोपींना गुन्ह्याबद्दल विचारपुस केली असता त्यांनी सांगितली की, निखील दर्यानाणी यांच्या भावाच्या दुकानावर काम करणारे अल्फरान शेख व अहमद शेख यांनी अपहरण करण्यासाठी निखील दर्यानाणी यांच्याबाबत माहिती पुरवली. त्यांचेकडून 1 कोटीची खंडणीची मागणी करून 15 लाख रूपये खंडणी घेतल्याची कबुली दिली. इतर आरोपींचा शोध गुन्हेशाखा पथक घेत असताना पोह. महेश साळुंके व पोअं. आप्पा पानवळ यांना गुप्त बातमीदार मार्फत माहिती मिळाली की, पाहिजे असलेले आरोपी हे वडाळागाव भागात फिरत आहेत, त्यानुसार पथकाने वडाळागाव भागातून 3)अल्फरान अस्पाक शेख (वय-25) रा. चौक मंडई, भद्रकाली, नाशिक, 4)अहमद रहिम शेख (वय 25) रा. वडाळागाव, नाशिक यांना ताब्यात घेवून विचारपुस केली असता त्यांनी कबुली दिली. सदर गून्ह्यातील सर्व आरोपींची वैदयकीय तपासणी करून त्यांना जप्त मुद्देमालासह मुंबईनाका पोलीस ठाण्याच्या ताब्यात देण्यात आले आहे.

या अपहरणाच्या गुन्ह्याची कारवाई पोलीस आयुक्त मा.श्री. संदिप कर्णिक व पोलीस उप-आयुक्त मा.श्री. प्रशांत बच्छाव, सहा. पोलीस आयुक्त मा.संदिप मिटके गुन्हेशाखा यांचे मार्गदर्शनाने नाशिक शहर गुन्हेशाखा युनिट-1 यांच्याकडून करण्यात आली. सपोनि. हिरामण भोये पोउनि. चेतन श्रीवंत, पोउनि. सुदाम सांगळे, पोह. उत्तम पवार, पोअं. विलास चारोस्कर, नितीन जगताप, राम बर्डे, मुक्तार शेख, रोहिदास लिलके, जगेश्वर बोरसे, श्रेणी पोउनि. किरण शिरसाठ, पोह सुकाम पवार, समाधान पवार, पोअं. मनिषा सरोदे यांचा पथकात देखील समावेश होता.

✍️पोलीस वार्ता, प्रतिनिधी: गौतम जाधव, नाशिक, संपर्क: 9922838959