भुसावळ : डम्पर चालकाच्या कथित हलगर्जीपणामुळे मोटारसायकलस्वाराचा जागीच मृत्यू झाल्याची दुर्दैवी घटना बुधवारी सायंकाळी भुसावळ तालुक्यात घडली. या घटनेमुळे परिसरात हळहळ व्यक्त होत आहे.
मिळालेल्या माहितीनुसार, मनोज वाघ (वय ४०, रा. मोंढाळा ता. भुसावळ) हे सलून व्यवसाय करत होते. बुधवारी सायंकाळी साडेपाच ते सहा वाजेदरम्यान पानाचे कुऱ्हे-चोरवाड गावाजवळ ते मोटारसायकलने जात असताना डम्पर (क्र. एमएच १९ झेड ४९११) यांच्या मागील चाकाखाली आल्याने त्यांचा जागीच मृत्यू झाला.
अपघातानंतर स्थानिक नागरिकांनी तत्काळ मदतकार्य करत त्यांना भुसावळ ग्रामीण रुग्णालयात हलविले. मात्र वैद्यकीय अधिकाऱ्यांनी तपासणीनंतर मृत घोषित केल्याचे समजते.
घटनेची माहिती मिळताच तालुका पोलिसांनी घटनास्थळी धाव घेतली.अपघाताचे नेमके कारण व डम्पर चालकाची जबाबदारी याबाबत पुढील तपास सुरू आहे.
