रस्त्याच्या माती चोरीची बातमी देणाऱ्या पत्रकाराला धमकी, पत्रकार संरक्षण कायद्यान्वये गुन्हा दाखल..

पत्रकाराला फेसबुकच्या माध्यमातून थेट प्रक्षेपणातून संबंधित तीन जणांनी धमकावले आहे..

पोलीस वार्ता, टिटवाळा : कल्याण ते वासुंद्री गाव परिसरातील कल्याण-डोंबिवली महानगरपालिकेच्या अखत्यारितील रस्त्याच्या माती चोरीची बातमी देणाऱ्या पत्रकाराला धमकाविणाऱ्या तीन जणांन विरुध्द टिटवाळा पोलीसांनी पत्रकार संरक्षण कायद्यान्वये गुन्हा दाखल केला आहे.

रस्ता खोदकामामधून निघालेल्या सरकारी मातीच्या चोरीची बातमी पत्रकार अजय शेलार (वय-41) यांनी दिल्याबद्दल या पत्रकाराला फेसबुकच्या माध्यमातून थेट प्रक्षेपणातून संबंधित तीन जणांनी धमकावले आहे. या धमकी प्रकरणाची दृश्यध्वनी चित्रफित समाज माध्यमांवर प्रसारित झाली आहे. माजी उपमहापौर बुधाराम सरनोबत यांनी पालिकेत या माती विक्रीप्रकरणी पत्र दिले होते.

✍️पोलीस वार्ता प्रतिनिधी: दिनेश पाटील, ठाणे, संपर्क: 8097983334