‘जगदंब मिनरल्स’ खदान प्रदूषणामुळे शेतकऱ्यांच्या पिकांचे नुकसान, महसूल अधिकाऱ्यांना निवेदन देवून आंदोलनाचा इशारा!

मायनिंगमुळे उडणाऱ्या धुळीतून गावकऱ्यांना श्वसनासंबंधी त्रास सहन करावा लागत आहे,  हवेतील प्रदूषण आणि माईन्सकामामुळे होणारे हादरे..

पोलीस वार्ता, यवतमाळ : वणी तालुक्यातील कुंद्रा गावा लगत असलेल्या ‘जगदंब मिनरल्स गिट्टी खदान’मध्ये बरेच दिवसापासून काम चालू आहे. या खदान कामामुळे परिसरातील शेतकऱ्यांना आणि गावकऱ्यांना अनेक समस्यांना सामोरे जावे लागत आहे. शेतकऱ्यांच्या शेतामध्ये माईनिंगमुळे दगड जात असल्यामुळे पिकांचे अतोनात नुकसान होत आहे व ब्लास्टोंनमुळे गावातील घरांना हादरा बसून धोका निर्माण होत आहे. मायनिंगमुळे उडणाऱ्या धुळीतून गावकऱ्यांना श्वसनासंबंधी त्रास सहन करावा लागत आहे. हवेतील प्रदूषण आणि माईन्सकामामुळे झालेल्या खड्ड्यात पाणी साचून शेतकऱ्यांना शेतात जाणे येणे कठीण झाले आहे. या सर्व कारणांमुळे शेती पिकांचे नुकसान होत असल्याचे शेतकऱ्यांचा रोष दिसून येत आहे.

या ‘जगदंब मिनरल्स’ खदानीवर कठोर कारवाई करण्यात यावी आणि शेतकऱ्यांना लवकरात लवकर नुकसान भरपाई मिळावी यासाठी कुंद्रा ग्रामपंचायतीचे सरपंच विजय ठावरी, उपसरपंच सौ.पल्लवी भोस्कर, व्ही.पी भगत तसेच शिवसेना उपजिल्हाप्रमुख सुधाकर भाऊ गोरे यांच्या वतीने मुख्य उपविभागीय अधिकारी महसूल विभाग, तालुका वणी यांना निवेदन देण्यात आले आहे. कारवाई न झाल्यास आंदोलनाचा इशारा देखील देण्यात आला आहे.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532