काँग्रेस प्रदेशाध्यक्ष हर्षवर्धन सपकाळ यांच्या नेतृत्वात मुरबाड तालुका अध्यक्षपदी चेतनसिंह पवार यांची नेमणूक..

काँग्रेस पक्षाचे प्रदेशाध्यक्ष हर्षवर्धन सपकाळ यांच्या नेतृत्वात बैठका आणि पदाधिकाऱ्यांच्या नेमणूका केल्या जात आहे..

पोलीस वार्ता, ठाणे : महाराष्ट्रातील नगरपालिका आणि नगरपरिषदांच्या निवडुकीच्या निश्चित तारखा आजुन जाहीर झालेल्या नसून निवडणूक कधी होतील हे देखील निश्चित स्पष्ट झालेले नाही. त्यातच महाराष्ट्रातील राजकारणात रोजच नवनवीन घडामोड पाहायला मिळत आहे. राज्यातील सर्वच राजकीय पक्ष आपल्या पदाधिकारी कार्यकर्त्यांच्या बैठका आणि मोर्चेबांधणीसाठी लागले आहे. येणाऱ्या निवडणुकीत स्वतंत्र निवडणूक लढण्याचा प्रत्येक पक्षाचा ध्यास असला तरी वेळेवरच कळेल कोण काय करणार, त्यातच भारतीय राष्ट्रीय काँग्रेस पक्षाची राज्यातील परिस्थिती राजकीय दृष्ट्या बरी नसली तरी पक्षाचे प्रदेशाध्यक्ष हर्षवर्धन सपकाळ यांच्या नेतृत्वात बैठका आणि पदाधिकाऱ्यांच्या नेमणूका केल्या जात आहे.

ठाणे जिल्ह्यातील मुरबाड तालुका काँग्रेस कमिटी अध्यक्ष पदासाठी दि.24 जुलै 2025 रोजी इच्छुकांच्या मुलाखती घेण्यात आल्या, यावेळी प्रदेशाध्यक्ष हर्षवर्धन सपकाळ व ठाणे जिल्हाध्यक्ष दयानंद चोरघे यांच्या हस्ते चेतन सिंह पवार यांच्यावर पुन्हा विश्वास दाखवून त्यांची पुन्हा मुरबाड तालुका काँग्रेस अध्यक्ष पदी निवड करण्यात आली आहे. पवार यांची निवड झाल्यावर मुरबाड तालुक्यातील काँग्रेस कार्यकर्त्यांनी या निर्णयाचे स्वागत केले आहे. येणाऱ्या महापालिका आणि नगरपरिषदेच्या निवडणुकीत मुरबाड तालुक्यात काँग्रेसचे वर्चस्व निर्माण होईल हीच अपेक्षा कार्यकर्त्यांमध्ये आहे.

✍️पोलीस वार्ता प्रतिनिधी: दिनेश पाटील, ठाणे, संपर्क: 8097983334