भगूर येथे समाजातील विविध क्षेत्रातील मान्यवरांचा ‘विराम’ फाउंडेशनच्या वतीने सन्मान!

स्वातंत्र्य वीर सावरकर यांच्या या पुण्य भूमीत अनेक रत्न जन्माला आले त्यांचे यश पाहून आनंद होतो..

पोलीस वार्ता, देवळाली : भगूर येथे समाजातील विविध क्षेत्रातील मान्यवरांचा ‘विराम’ फाउंडेशनच्या वतीने गुणगौरव करण्यात आला. नाशिक येथील आनंदवन मिसळ येथे हा कार्यक्रम संपन्न झाला. या कार्यक्रमाच्या अध्यक्षस्थानी सेवानिवृत पोलीस उपविभागीय अधिकारी रमेश पवार हे होते. तर प्रमुख अतिथी म्हणून ठाणे गुन्हे शोध पथक उपायुक्त शेखर बागडे हे होते.

प्रारंभी फाउंडेशन अध्यक्ष प्रशांत कापसे यांनी कार्यक्रमाचे प्रास्ताविक करतांना सांगितले की, स्वातंत्र्य वीर सावरकर यांच्या या पुण्य भूमीत अनेक रत्न जन्माला आले त्यांचे यश पाहून आनंद होतो. म्हणूनच त्यांचे कौतुक करावे हे आपले कर्तव्यच आहे. या प्रसंगी.. व्यापारी बँक चेअरमन निवृत्तीराव अरिंगळे, अंबड मॅनेयुफॅक्चेरिंग अध्यक्ष राजेंद्र पानसरे, ठाणे पोलिस निरीक्षक अमोल वालझाडे, शिक्षक पतसंस्था उपाध्यक्ष संग्राम करंजकर यांचा विविध निवडीबद्दल व कृषी उत्पन्न बाजार समिती संचालक तानाजी आबा करंजकर यांच्या वाढदिवसानिमित्त शाल व पुष्पहार देऊन गौरव करण्यात आला. यावेळी सर्वश्री रमेश पवार, शेखर बागडे, तानाजी करंजकर, संग्राम करंजकर, अनिल पवार, राजेंद्र पानसरे यांनी मनोगत आपले व्यक्त केले. कार्यक्रमाचे सूत्रसंचलन पत्रकार सुधाकर गोडसे, यांनी तर आभार दीपक बलकवडे यांनी मानले.

सदर कार्यक्रमास भगूर नगर परिषदेचे उपनगराध्यक्ष प्रसाद आडके, जेष्ठ नगरसेवक दीपक बलकवडे, विशाल बलकवडे, जेष्ठ संचालक मनोहर कोरडे, बाबा सदाफुले अनिल पवार, उद्योजक बंडू नाना शिंदे, चेतन बागडे, प्रताप करंजकर पत्रकार, सुधाकर गोडसे, विलास भालेराव, सुभाष कांडेकर, पहिलवान ग्रुप अध्यक्ष प्रवीण पाळदे, भारत चव्हाण आदी मान्यवर उपस्थित होते.