कुऱ्हेगांव येथील दिया धोंगडेंच्या अपहरणाचा तपास वेगाने करावा अन्यथा वंचितचा आंदोलनाचा इशारा!

नाशिक ग्रामीण पोलीस अधीक्षकांची यांची भेट घेऊन दिलेल्या निवेदनाद्वारे वंचित बहुजन आघाडी पदाधिकाऱ्यांनी दिलासा मागितला आहे..

पोलीस वार्ता, देवळाली : इगतपुरी तालुक्यात असलेल्या कुऱ्हेगांव येथील 16 वर्षीय अल्पवयीन दिया योगेश धोंगडे या मुलीचे दि.26 मार्च 2026 रोजी अपहरण झाले होते. दिया धोंगडेंच्या वडिलांनी दिलेल्या माहितीनुसार, दिया घरातून गायब झाल्यानंतर संपूर्ण परिसर आणि नातेवाईकांकडे शोध घेतला असता ती सापडली नाही. वाडीवऱ्हे पोलीस ठाण्यात या प्रकाराची तक्रार नोंदवली असून पोलीस तपासाला वेग देत नाही. ज्यामुळे धोंगडे कुटुंबीयांमध्ये संशय आणि असंतोष निर्माण झाला आहे.

या प्रकरणात वंचित बहुजन आघाडीचे जिल्हाध्यक्ष चेतन गांगुर्डे आणि नगरसेवक अजय वाहने यांनी नाशिक ग्रामीण पोलीस अधीक्षकांची यांची भेट घेऊन दिलेल्या निवेदनाद्वारे दिलासा मागितला आहे. ग्रामीण अप्पर पोलीस उपअधीक्षक मिरखेलकर यांनी स्पेशल गुप्तचर विभागाकडून जलद तपास करण्याचे आश्वासन दिले आहे. चेतन गांगुर्डे यांनी पत्रकारांना सांगितले की, मराठा समाजातील या घटनेवर इतर राजकीय पक्षांनी दखल घेतलेली नाही, त्यामुळे वंचित बहुजन आघाडी आंदोलनासाठी सज्ज आहे. महिला जिल्हाध्यक्ष उर्मिला गायकवाड यांनीही तपासात आणखीन उशीर झाल्यास ठिय्या आंदोलन करण्याचा इशारा दिला आहे.