आरोपींनी कबुली दिली की, वसंत सातपुते हा हसीना शेख व साहिल शहा यांच्या प्रेमसंबधात अडथळा निर्माण करत होता..
पोलीस वार्ता, नाशिक | शहरातील इंदिरानगर पोलीस ठाणे हद्दीतीतील व्यक्ती वसंत गोरखनाथ सातपुते, वय-40 वर्षे, रा. स्वराज्य नगर, पाथर्डी फाटा, नाशिक हे दि.5 ऑगस्ट 2026 रोजी पासून बेपत्ता झाले होते व त्यांच्या अपहरणाची माहिती पोलिसांना देण्यात आली होती. त्यानुसार गुरनं.- 440/2026 भा.न्या.सं. कलम 137(2) प्रमाणे इंदिरानगर पोलीस ठाण्यात गुन्हा दाखल करण्यात आला होता.
या दाखल गुन्ह्याचा तपास करत असतांना शहर पोलीस गुन्हेशाखा युनिट क्र.-1 चे पोह. नाझीमखान पठाण व पोअं. मुक्तार शेख यांना गुप्त बातमी मिळाली की, वसंत सातपुते याचा हसीना शेख व साहिल शहा यांनी त्यांच्या साथीदारांच्या मदतीने मिळून खुन केला आहे. तसेच ते सध्या शालीमार परिसरात आहे. मिळालेली माहिती वरीष्ठ शहर गुन्हेशाखा युनिट क्र.-1 चे पोनि. डॉ. अंचल मुदगल यांना दिली असता त्यांनी तात्काळ कारवाईसाठी पथक रवाना केले. संशयितांचा सीबीएस परिसरात पोलिसांनी शोध घेतला असता ते दिसताच त्यांना ताब्यात घेवुन त्याची नावे व पत्ता विचारले. त्यांनी त्यांची नावे..
1) हसीना हबीब शेख, वय-44 वर्षे, रा. स्वराज्य नगर, पाथर्डी फाटा, नाशिक.
2) साहिल रफिक शहा वय-23 वर्षे, रा. म्हाडा वसाहत, ए-७, वडाळा गाव, नाशिक.
3) मोईन मुक्तार शहा, वय-24 वर्षे, रा. नाईकवाडी पुरा, अजमेरी मस्जिद, भद्रकाली, जुने नाशिक.
4) सरफराज अबरार सैय्यद, वय-22 वर्षे, रा. नानावली, गुमशाबाबा चौक, जुने नाशिक.
असे सांगितले. आरोपींची कसून चौकशी केली असता त्यांनी पुढे कबुली दिली की, वसंत सातपुते हा हसीना शेख व साहिल शहा यांच्या प्रेमसंबधात अडथळा निर्माण करत होता त्यामुळे दि. 6 ऑगस्ट 2026 रोजी रात्री 3 वाजताच्या सुमारास त्याच्या राहते घरी साहिल शहा याच्या मदतीने चाकूने गळा चिरून वसंत सातपुते यांचा खून केला. त्यानंतर मृतदेह हा साहील शहा व त्याचा साथीदार मोईन मुक्तार शहा आणि सरफराज अबरार सैय्यद यांनी एका गोणीमध्ये भरून ईरटिंगा गाडीतून नेवुन कसारा घाटात टाकून दिला. त्यानुसार शहर गुन्हेशाखेचे पोउनि. चेतन श्रीवंत, पोउनि. रमीज शेख आणि त्यांच्या पथकाने कसारा घाटात मृतदेह फेकून दिलेल्या ठिकाणी जावून घनदाट जंगलात मृतदेहाचा शोध घेतला त्यावेळी मृतदेह गोणीमध्ये मिळून आला. सदरचा मृतदेह हा पुढील कारवाईसाठी इंदिरानगर पोलीस ठाणे यांच्या ताब्यात देण्यात आला असून पुढील तपास इंदिरानगर पोलीस ठाण्याचे पोउनि. युवराज शिरसाठ करीत आहेत.
