सहा पोलीस उपनिरीक्षक गुलाब सोनार यांना राष्ट्रपती पुरस्कार मिळाल्याबद्दल देवळाली कॅम्प येथे त्यांचा सत्कार!

पोलीस दलातील धाडसी व उल्लेखनीय कामगिरीबद्दल महाराष्ट्र शासनाने ‘राष्ट्रपती पदक’ देऊन केले सन्मानित..

पोलीस वार्ता, देवळाली | महाराष्ट्र पोलीस दलातील नाशिक शहर पोलीस गुन्हे शाखा युनिट-2 मध्ये कार्यरत असलेले आणि नेहमी आपल्या कामगिरीमुळे चर्चेत राहणारे, पोलीस सिंघम म्हणून गुन्हेगारांवर वचक निर्माण करणारे सहाय्यक, पोलीस उपनिरीक्षक श्री.गुलाब सोनार यांना त्यांच्या पोलीस दलातील धाडसी व उल्लेखनीय कामगिरी बजावल्याबद्दल महाराष्ट्र शासनाने ‘राष्ट्रपती पदक’ देऊन त्यांना सन्मानित करून गौरवीले आहे.

ही नाशिक शहर पोलिसांसाठी ही एक कौतुकाची बाब आहे. त्याच पार्श्वभूमीवर दि.23 ऑगस्ट रोजी देवळाली कॅम्प शहर येथील झेंडा चौक मित्र मंडळ तसेच सत्यशोधक बहुजन आघाडी व विविध सामाजिक संघटनांकडून राष्ट्रपती पदकाने सन्मानीत असलेले सहा. पोउपनि. श्री.गुलाबराव सोनार यांचा शाल व पुष्पगुच्छ देऊन सत्कार करण्यात आला. व त्यांना सर्वांनी शुभेच्छा दिल्या.

याप्रसंगी पोउपनि. श्री.मुक्तार पठाण तसेच झेंडा चौक समितीचे सदस्य राजेंद्र जाधव, राष्ट्रवादी नेत्या शायरा शेख, नेते जेम्स अण्णा बर्नार्ड, नेते प्रमोद मोजाड, नेते भारत वाघमारे, कैलास बकुरे, आनंद वैरागर, किरण काळे, नाठे बाबा, आदींच्या उपस्थितीत तसेच भारत वाघमारे यांनी सूत्रसंचालन व सर्वांचे आभार मानून कार्यक्रम संपन्न झाला.