भगूर येथील शनी मंदिरात दरवर्षी प्रमाणे शनैश्चर जयंती कार्यक्रम उत्साहात साजरा!

भगुर पंचकुशीतील नागरिकांनी दिवसभर मंदिरात हजरी लावून शनि महाराजांचे दर्शन घेतले व महाप्रसादाचा लाभ घेतला..

पोलीस वार्ता, देवळाली : शनी जयंती सण दि.16 मे रोजी देशभरात मोठ्या भक्तीभावाने साजरा झाला. धार्मिक मान्यतेनुसार या दिवशी सूर्यदेव आणि छाया यांचे पुत्र शनी देव यांचा जन्म झाला होता आणि हा दिवस शनैश्चर जयंती आणि शनी अमावस्या म्हणूनही ओळखला जातो. या दिवशी कर्मफलदाता शनी देवांची पूजा करणे फलदायी मानले जाते. शनी देवाच्या पूजेने आणि आशीर्वादाने माणसाच्या जीवनात आनंद, सुख, समृद्धी, यश आणि आरोग्य निरोगी राहते, अशी श्रद्धा आहे.

भगुर येथील शनी आदर्श मित्र मंडळ दरवर्षी शनी मंदिरात कार्यक्रम आयोजित करून सनी जयंती सण साजरा करतात. यंदा येथील शनी मंदिरात सकाळी पहाटे शनि महाराजांचा तेल अभिषेक करण्यात आला. त्यानंतर भगुर मधून शनि महाराजांची पालखी काढण्यात आली. तसेच दिवसभर मंदिरात भक्तीगीतांचा कार्यक्रम आयोजित करण्यात आला होता. सायंकाळी शनि महाराजांची महाआरती व महाप्रसादाचा कार्यक्रम आयोजित केलेला होता. भगुर पंचकुशीतील नागरिकांनी दिवसभर मंदिरात हजरी लावून शनि महाराजांचे दर्शन घेतले. जयंतीचा सर्व कार्यक्रम यशस्वी करण्यासाठी मंडळाच्या वतीने राकेश चव्हाण, गजानन आंधळे, गणेश देशमुख, अभिषेक चव्हाण, संजय फोटोंदे, रोहित आमले, सुमित चव्हाण, श्याम देशमुख, बाळासाहेब डोंगरे, विलास चव्हाण, अशोक मोजाड, कुणाल जगताप, नावेद शेख, पवन चव्हाण, नितीन आमले, मयूर चव्हाण, नंदू जगताप या सर्वांनी मेहनत घेतली.