पदवीधर व शिक्षण चालू असलेल्या उमेदवारांसाठी पंडित दीनदयाळ उपाध्याय रोजगार मेळाव्याचे शहरात आयोजन!

गुरूवार 30 ऑक्टोबर 2025 रोजी सकाळी 11 ते दुपारी 4 या वेळेत रोजगार मेळावा सुयोजित पार्क, मुंबई-आग्रारोड नाशिक..

पोलीस वार्ता, नाशिक : महाराष्ट्र शासनाच्या जिल्हा कौशल्य विकास रोजगार व उद्योजकता मार्गदर्शन केंद्र, नाशिक या कार्यालयाच्या वतीने गुरूवार 30 ऑक्टोबर 2025 रोजी सकाळी 11 ते दुपारी 4 या वेळेत डाटा मॅटिक्स ग्लोबल सर्व्हिसेस, सुयोजित कमर्शियल, सुयोजित पार्क, मुंबई-आग्रारोड नाशिक येथे पंडित दीनदयाळ उपाध्याय रोजगार मेळाव्याचे आयोजन करण्यात आले आहे. जास्तीत जास्त नोकरी इच्छुक उमेदवारांना मेळाव्यात सहभागी होण्याचे आवाहन कौशल्य विकास, रोजगार व उद्योजकता नाशिकचे सहाय्यक आयुक्त यांनी केले आहे, असे अधिकारी मि.भा.देशपांडे यांनी 27 ऑक्टोबर रोजी प्रसिद्धी पत्रकार द्वारे जाहीर केले आहे.

सदर मेळाव्यात कोणत्याही शाखेची पदवी झालेले किंवा पदवीस शिकत असलेले प्रथम, द्वितीय व तृतीय वर्षात शिकत असलेले उमेदवारांसाठी एकूण 100 रोजगाराच्या संधी उपलब्ध होणार आहे.

नोकरी इच्छुक व्यक्तींनी अद्यापही सेवायोजन कार्यालयात नोंदणी केली नसल्यास www.mahaswayam.gov.in या संकेस्थळावर नोंदणी करावी. तसेच लॉगइन करून शैक्षणिक पात्रतेनुसार उपलब्ध रिक्तपदांसाठी अप्लाय करावे. अधिक माहितीसाठी 0253-2993321 कार्यालयाच्या दूरध्वनी क्रमांकावर कार्यालयीन वेळेत संपर्क साधावा. तसेच शासकीय रोजगार मेळाव्यात नियोक्ता व उमेदवारांकडून कोणत्याही प्रकारचे शुल्क आकारले जात नाही. सर्व सेवा निशुल्क आहेत. ही माहिती देखील देण्यात आली आहे.