नाशिक शहर परिसरात पोलीस आयुक्तांकडून शस्त्र व जमावबंदी आदेश जारी

शहरात 13 जुलै मध्यरात्रीपासून ते 27 जुलै रात्री 12.00 वाजेपर्यंत आदेश लागू..

पोलीस वार्ता, नाशिक | शहरात कायदा व सुव्यवस्था अबाधित राखण्यासाठी नाशिक शहर पोलीस आयुक्त मा.संदीप कर्णिक यांनी मुंबई पोलीस अधिनियम 1951 चे 37 (1) (3) अन्वये नाशिक शहर कार्यक्षेत्रात 13 जुलै 2026 रोजी मध्यरात्रीपासून ते 27 जुलै 2026 रोजी रात्री 12.00 वाजेपर्यंत शस्त्र व जमावबंदी आदेश जारी केले आहे.

सदरचे आदेश लग्नकार्य, मिरवणुका, तालुका आठवडे बाजार किंवा प्रेतयात्रेच्या जमावास लागू राहणार नाहीत. तसेच हा आदेश पोलीस अधिकारी, कामावर असलेल्या इतर शासकीय अधिकारी, कर्मचारी यांना तसेच सभा अगर मिरवणुका काढण्यास रितसर परवानगी घेतली असलेल्या व्यक्तींना लागू नाही. या आदेशाचे उल्लंघन केल्यास संबंधितावर महाराष्ट्र पोलीस कायदा 1951 चे कलम 135 अन्वये फौजदारी कारवाई करण्यात येईल, असे नाशिक पोलीस आयुक्त यांनी आदेश जारी केले आहे.