पुणे ( मिनाक्षी पोळ) जिल्हात भोर तालुक्यातील किकवी येथे आरोग्य व पत्रकारितेतील उल्लेखनीय कार्याचा शिव प्रहार प्रतिष्ठानतर्फे समाजरत्न पुरस्काराने आज गौरव करण्यात आलेले आहे
भोर तालुक्यातील किकवी येथे शिव प्रहार प्रतिष्ठान, महाराष्ट्र राज्य यांच्या वतीने दि. २८ मार्च २०२६ रोजी “समाजरत्न” पुरस्कार वितरण सोहळा मोठ्या उत्साहात पार पडला. सामाजिक, आरोग्य व पत्रकारिता क्षेत्रात मोलाचे योगदान देणाऱ्या मान्यवरांचा यावेळी सन्मान करण्यात आला.
कार्यक्रमात रमाकांत वासुदेवराव मोरे चापोरा यांना पत्रकारितेतील उल्लेखनीय कार्यासाठी “समाजरत्न” पुरस्कार देऊन गौरविण्यात आले. त्यांच्या लेखणीतून समाजप्रबोधन होत असून सत्य मांडण्याची निडर भूमिका त्यांनी कायम ठेवली आहे. त्यांच्या कार्यामुळे समाजात सकारात्मक बदल घडून येत असून अनेकांना प्रेरणा मिळत आहे.
तसेच डॉक्टर मंदार सुरेश माळी (बी.व्ही.जी. १०८ आपत्कालीन मेडिकल ऑफिसर, किकवी) यांना आरोग्य क्षेत्रातील ११ वर्षांच्या उल्लेखनीय सेवेसाठी सन्मानित करण्यात आले. कोविड काळात तसेच प्रसूती, अर्धांगवायू आणि रस्ते अपघातांच्या वेळी त्यांनी दिलेल्या तत्पर सेवेमुळे अनेक रुग्णांना जीवनदान मिळाले आहे. या सोहळ्याचे आयोजन शिव प्रहार प्रतिष्ठानचे संस्थापक अध्यक्ष संतोष ज्ञानोबा मोहिते यांच्या नेतृत्वाखाली करण्यात आले
