अवैध रेती वाहतूकीवर वणी पोलीसांची कारवाई, साडेसहा लाखांचा मुद्देमाल जप्त..

भा.न्या.सं. 2023 चे कलम 303(2), 3(5) नुसार गुन्हा दाखल केला आहे. आरोपींकडे कुठलीही शासकीय परवानगी नसतांना ते रेती अवैधरित्या चोरून नेत होते..

पोलीस वार्ता, यवतमाळ : वणी शहर पोलिसांनी अवैध रेती वाहतूक करणाऱ्यांना रंगेहाथ पकडून त्यांच्यावर कारवाई केली आहे. वणी पोलीस मुर्धोनी परिसरात दि. 8 सप्टेंबर, 2025 रोजी पहाटे 1:55 ते 2:30 वाजेच्या दरम्यान गस्त घालत असताना त्यांना विलास रमेश आडे, वय-30 वर्षे, रा. वाघदरा आणि तुलशिराम भगवान काकडे, वय-32 वर्षे, रा. गोकुळ नगर, वणी हे अवैध रेती वाहतूक करताना आढळून आले होते.

आरोपींकडे कुठलीही शासकीय परवानगी नसतांना ते रेती अवैधरित्या चोरून नेत होते. त्यामुळे त्यांच्यावर भा.न्या.सं. 2023 चे कलम 303(2), 3(5) नुसार गुन्हा दाखल करण्यात आला आहे. पोलिसांनी घटनास्थळावरून नंबर नसलेला महिंद्रा कंपनीचा युवा टेक ट्रॅक्टर, ट्रॉली आणि एक ब्रास रेती असा एकूण 6,56,000 रुपयांचा मुद्देमाल हस्तगत केला आहे. अधिक तपास वणी पोलीस करत आहेत.

सदर कारवाई वणी उपविभागीय पोलीस अधिकारी सुरेश दळवे यांच्या मार्गदर्शनात वणीचे पोनि. गोपाल उंबरकर यांच्या आदेशाने पोउपनि. सुदाम आसोरे, पोकॉ. श्याम, विकास, वसीम यांनी मिळून केली.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532