दिल्लीतील 40 हून अधिक शाळांना एक ईमेल प्राप्त झाला आहे ज्यामध्ये बॉम्बस्फोटाची धमकी देण्यात आली आहे. हा ईमेल 8 डिसेंबर रोजी रात्री 11.38 च्या सुमारास आला. शाळेच्या आवारात बॉम्ब पेरण्यात आल्याचे ईमेलमध्ये सांगण्यात आले. या बॉम्बचा स्फोट झाला तर मोठे नुकसान होईल. मेल पाठवणाऱ्याने बॉम्बस्फोट न करण्याच्या बदल्यात 30 हजार डॉलर्सची मागणी केली आहे. दिल्ली पोलिसांनी आयपी ॲड्रेस आणि मेल पाठवणाऱ्याचा तपास सुरू केला आहे.
दिल्लीतील ज्या शाळांमध्ये बॉम्बची धमकी देण्यात आली आहे त्यात डीपीएस आरकेपुरम आणि जीडी गोएंका यांचा समावेश आहे. ही माहिती मिळाल्यानंतर शाळांनी मुलांना घरी पाठवले आहे. तसेच बॉम्बची माहिती मिळताच शाळांनी अग्निशमन विभाग आणि पोलिस विभागाला माहिती दिली. मिळालेल्या माहितीनुसार, सोमवारी सकाळी ७ वाजता ही बातमी मिळाली. दिल्लीतील शाळेला बॉम्बची धमकी मिळण्याची ही पहिलीच वेळ नाही.
या वर्षाच्या सुरुवातीलाही अनेकवेळा असे प्रकार उघडकीस आले आहेत. यापूर्वी 2 फेब्रुवारी 2024 रोजी डीपीएस आरकेपुरमच्या मुख्याध्यापकांना शाळेत बॉम्ब असल्याची धमकी देण्यात आली होती. यानंतर मे महिन्यातही अनेक शाळांना पुन्हा बॉम्बच्या धमक्या मिळाल्या आणि दिल्ली पोलीस आयुक्तांच्या मेल आयडीवर धमकीचा मेल पाठवण्यात आला.
