सराईताकडून पिस्टल आणि काडतूस असा 1 लाख 500 रुपयांचा मुद्देमाल पोलिसांनी हस्तगत केला आहे..
पोलीस वार्ता, ठाणे : कल्याण येथील सराईत गुन्हेगाराला ठाणे खंडणी विरोधी पथकाने बेकायदा 2 गावठी पिस्टल आणि 1 जिवंत काडतुसासह अटक करून जेरबंद केले आहे. सराईत सचिन गोपी ऊर्फ गोकुळ शिंदे, वय 30 फळविक्रेता असून, त्याच्याकडून पिस्टल आणि काडतूस असा 1 लाख 500 रुपयांचा मुद्देमाल पोलिसांनी हस्तगत केला आहे. त्याला कोर्टाने येत्या 30 जूनपर्यंत पोलीस कोठडी ठोठावण्यात आली आहे.
सचिन याच्याकडे दोन गावठी पिस्टल आणि काडतूस असल्याची माहिती सहाय्यक पोलीस निरीक्षक सुनील तारमळे यांना मिळाली होती. त्यानुसार सापळा रचून सदरची कारवाई मा.अमरसिंह जाधव, पोलीस उपआयुक्त (गुन्हे), मा.शेखर बागडे सहाय्यक पोलीस आयुक्त, शोध पथक 1, गुन्हे शाखा, ठाणे तथा प्रभारी अधिकारी खंडणी विरोधी पथक, मा.विनायक घोरपडे, सहायक पोलीस आयुक्त, शोध-2, गुन्हे शाखा, ठाणे, यांचे मार्गदर्शनाखाली सपोनि. सुनिल तारमळे, सपोनि. गोरे, सपोपि. भुषण कापडणीस, पोउपनिरी. सुहास तावडे, सपोउपनिरी. संदीप भोसले, पोह. ठाकुर, पाटील, गायकवाड, जाधव, गडगे, राठोड, कानडे, मपोह पावसकर, पोना हासे, मधाळे, चापोना हिवरे, पोअं वायकर, ढाकणे, पाटील, शेजवळ, मपोअं भोसले यानी मिळून केली आहे.
