भुसावळ – येथील सत्र न्यायालयात जुन्या पुण्यातील साक्ष देण्यासाठी आलेल्या महिला तलाठी यांचा शुक्रवारी २० डिसेंबर रोजी याच गुन्ह्यातील संशयित सुनील विश्वनाथ भोई राहणार साकेगाव याने तलाठीच्या विनयभंग केल्याप्रकरणी शहर पोलिसात तलाठी यांच्या फिर्यादीवरून गुन्हा दाखल करण्यात आला आहे.
वाळू वाहतूक करताना २०२१ मध्ये डंपर पकडून कारवाई करून शासन स्तरावर गुन्हा भुसावळ न्यायालयात वर्ग करण्यात आला होता.त्याप्रकरणी महिला तलाठी शुक्रवारी २० डिसेंबर रोजी याच गुन्ह्याची साक्ष देण्यासाठी भुसावळ सत्र न्यायालयात आल्या असता गुन्ह्यातील संशयित सुनील विश्वनाथ भोई याने महिला तलाठी यांचा विनयभंग केल्याप्रकरणी शहर पोलीस ठाण्यात भोई यांच्याविरुद्ध विनयभंगाचा गुन्हा दाखल करण्यात आला.या प्रकरणी शहर पोलीस स्टेशनचे निरीक्षक उद्धव डमाळे यांच्या मार्गदर्शनाखाली पोलीस कर्मचारी संदीप पालवे तपास करीत आहेत.
