वणी सहा-उपविभागीय दंडाअधिकाऱ्यांकडून ‘वणी पोलीस ठाण्यातील’ बेवारस वाहनांच्या लिलावाचे आदेश

वणी पोलीस ठाण्यात 25 मार्च 2025 रोजी दु.12 वाजेपासून दिलेल्या अटीशर्तीनुसार लिलावाला सुरुवात होणार आहे..

पोलीस वार्ता, यवतमाळ : जिल्ह्यातील वणी तालुका पोलीस ठाण्यात दि.19 मार्च रोजी बेवारस अश्या 90 वाहनांचा लिलाव करण्यात आला होता त्यातून सुमारे 9 लाख 66 हजार रुपये रक्कम शासनाच्या तिजोरीत जमा झाली होती. आता पुन्हा बेवारस अश्या 126 मोटार वाहनांच्या लिलावाचे आदेश वणी सहा उपविभागीय दंडाअधिकारी साहेब यांनी दिले आहेत. त्यानुसार वणी पोलीस ठाणे जि.यवतमाळ याठिकाणी येत्या दि.25 मार्च 2025 रोजी दु.12 वाजेपासून दिलेल्या अटीशर्तीनुसार लिलावाला सुरुवात होणार आहे.

सर्व नागरिकांना वणी पोलिसांद्वारे आवाहन करण्यात येते आहे की, दि.25 मार्च पूर्वी कोणाला वाहनाचा मालकी हक्क सिद्ध करायचा असेल तर त्यांने तात्काळ वणी पोलीस ठाण्यात वाहनांचे मूळ कागदपत्रे घेऊन भेट द्यावी, जर दिलेल्या मुदतीत कोणीही योग्य हरकत न दाखविल्यास ठरल्याप्रमाणे नियमाने लिलाव करण्यात येईल, त्यानंतर कोणतीही हरकत घेतली जाणार नाही. अशी बेवारस वाहनांच्या निलावासंबंधी माहिती वणी पोलीस ठाण्याचे कर्मचारी गोपाल उंबरकर यांनी दिली आहे.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532