बारामतीतील 8 ते 15 वयोगटातील मुलींना कर्करोगावरील लस मोफत दिली जाणार -उपमुख्यमंत्री अजित पवार

ह्या लसीकरणामुळे कर्करोगाच्या धोका कमी होण्यास मदत होईल आणि विशेषतः मुलींना सुरक्षेची एक मोठी संधी मिळेल.. तसेच पीक कर्जाच्या संदर्भात परिस्थितीनुसार योग्य निर्णय घेण्यात येईल..

पोलीस वार्ता, बारामती : उपमुख्यमंत्री अजित पवार यांनी बारामतीतील 8 ते 15 वयोगटातील मुलींना कर्करोगावरील मोफत लस दिली जाणार असल्याची घोषणा केली आहे. बारामतीतील एका खासगी रुग्णालयाच्या उद्घाटन कार्यक्रमात ते बोलत होते. कर्करोगाच्या वाढत्या प्रमाणावर चिंता व्यक्त करत पवार यांनी महिलांमध्ये आढळणाऱ्या कर्करोगावरील लस विकसित केल्याची माहिती अदर पुनावाला यांनी दिल्याचे सांगितले. या लसीसाठी 2 हजार रुपये खर्च येतो, पण बारामती शहर आणि तालुक्यातील मुलींना मोफत लस दिली जाणार आहे. याबाबत राज्य आणि देशपातळीवर पुढील निर्णय घेतले जातील. ह्या लसीकरणामुळे कर्करोगाच्या धोका कमी होण्यास मदत होईल आणि विशेषतः मुलींना सुरक्षेची एक मोठी संधी मिळेल.

• शेतकऱ्यांना 31 मार्चपूर्वी पीक कर्जाचे पैसे भरण्याचे आवाहन!

राज्याचे उपमुख्यमंत्री अजित पवार यांनी शेतकऱ्यांना 31 मार्चपूर्वी पीक कर्जाचे पैसे भरण्याचे आवाहन केले आहे. माळेगाव सहकारी कारखान्याच्या निवडणुकीच्या पार्श्वभूमीवर शेतकरी मेळाव्यात ते बोलत होते. पवार यांनी शेतकऱ्यांना यावर्षी आणि पुढील वर्षीसुद्धा कर्जाचे पैसे भरणे महत्त्वाचे असल्याचे सांगितले.

त्यांनी राज्याच्या अर्थसंकल्पातील 7 लाख 20 कोटी रुपयांच्या प्रस्तावावर प्रकाश टाकला, ज्यामध्ये वीज माफी, कर्मचारी पगार, पेन्शन, कर्ज व्याज यांसारख्या विविध बाबींचा समावेश आहे. त्यामुळे पीक कर्जाच्या संदर्भात परिस्थितीनुसार योग्य निर्णय घेण्यात येईल, असे पवार यांनी स्पष्ट केले. हे आवाहन शेतकऱ्यांसाठी एक महत्त्वपूर्ण सूचना आहे, ज्यामुळे त्यांना कर्ज चुकवण्यास प्रोत्साहन मिळू शकेल आणि राज्य सरकारकडून कोणतेही मदतीचे पाऊल उचलले जाऊ शकते.

✍️पोलीस वार्ता, प्रतिनिधी: वर्षा चव्हाण, बारामती, संपर्क: 9763852891