भुसावळ– नगरपरिषदेची निवडणूक जोरदार रंगतदार वळणावर आलेली असून,आज नगराध्यक्ष पदाच्या आणि नगरसेवक पदाच्या उमेदवारांना निवडणूक निर्णय अधिकारी यांनी चिन्ह वाटप केल्याने आता खऱ्या अर्थाने निवडणूक प्रचाराला सुरुवात झालेली आहे.दरम्यान नगराध्यक्षपदाचे बहुजन समाज पार्टीचे अधिकृत उमेदवार असलेल्या कीर्ती सुरेश वानखेडे यांनी आज महामानव डॉ बाबासाहेब आंबेडकर यांच्या पुतळ्याला पुष्पहार अर्पण करून आणि अभिवादन करून आपल्या निवडणूक प्रचाराचा शुभारंभ केलेला आहे. त्या उच्चशिक्षित उमेदवार असून त्यांनी समाजकार्यात गेल्या काही वर्षात केलेल्या कामाच्या जोरावर भुसावळकर मतदारांपुढे मते मागण्यासाठी जाणार असल्याने त्यांनी सांगितले आहे. याप्रसंगी बहुतांश बहुजन समाज पार्टीचे कार्यकर्ते व हितचिंतक महिला कार्यकर्त्या उपस्थित होत्या.
दरम्यान, कीर्ती सुरेश वानखेडे यांनी प्रसार माध्यमांशी बोलताना आपली प्रतिक्रिया दिलेली असून की, भुसावळच्या जनतेला आता सत्ता परिवर्तन आवश्यक असून यावेळी आमचा विकासाचा पॅटर्न भुसाळकांना सांगणार असून, आमचा विजय होणार असल्याचा विश्वास त्यांनी व्यक्त केलेला आहे.
