आरोपीजवळ अंदाजे 370 ग्रॅम गांजा व रोख रक्कम व गुन्हयात वापरलेला मोबाईल असे एकुण 28,880/- रुपये किंमतीचा मुद्देमाल मिळाला..
पोलीस वार्ता, वणी | शहरामध्ये वाढते अंमली पदार्थांचे जाळे आणि त्या पदार्थांची विक्री, सेवन करणारे यासर्वांवर आळा घालण्यासाठी व अंमली पदार्थ प्रतिबंधित कायदेशीर कारवाई करण्याच्या दृष्टीने वणी पोलिसांनी अशा आरोपींचा शोध घेण्याची मोहीम सुरू केली आहे.
याच मोहिमेअंतर्गत वणी पोनिरी. भानुदास पिदुरकर यांनी दिलेल्या सुचना व मार्गदर्शनाप्रमाणे स्थानिक पोलीस गुन्हे शोध पथकाने शहरात गस्त घालून व गोपनीय बातमीच्या आधारे दि.18 जुलै 2026 रोजी माहिती मिळवली की, शहरातील एकतानगर येथे नगरपरीषद कॉम्पलेक्स जवळ अंमली पदार्थ असलेला गांजा, घेवुन एक जण विक्री करीता थांबलेला आहे. गुन्हे शोध पथकाने लगेच घटनास्थळी पोहचून सापळा लावून संशयितास अंमली पदार्थ युक्त गांजाने भरलेल्या पिशवीसह ताब्यात घेतले. आरोपीला विचारपूस केली असता त्याचे नाव सुजल मंगेश गोहोकार, वय-20 वर्ष, रा. एकतानगर, वणी असे सांगितले. आरोपीजवळ पिशवीत अंदाजे 370 ग्रॅम गांजा व विक्री केलेल्या गांजाची रोख रक्कम व गुन्हयात वापरण्यात आलेला मोबाईल असे अंदाजे एकुण 28,880/- रुपये किंमतीचा मुद्देमाल मिळुन आला आहे. आरोपीला अटक करून पुढील कारवाईसाठी वणी पोलीस ठाण्यात नेण्यात आले आहे.
