भुसावळ : शहरातील वाल्मिक नगर, ७२ खोली परिसरातून १७ वर्षे ८ महिन्यांच्या अल्पवयीन मुलीला अज्ञात इसमाने फूस लावून पळवून नेल्याची घटना उघडकीस आली आहे. याप्रकरणी मुलीच्या आईने दिलेल्या फिर्यादीवरून बाजारपेठ पोलीस ठाण्यात गुन्हा दाखल करण्यात आला आहे.
पोलिसांकडून मिळालेल्या माहितीनुसार, सदर मुलगी ही कायदेशीर रखवालीत असताना ता. २ रोजी सकाळी सुमारे दहा वाजेच्या सुमारास अज्ञात इसमाने तिला फूस लावून कोणालाही न सांगता कोठेतरी घेऊन गेला. घटना लक्षात येताच कुटुंबीयांनी शोधाशोध केली, मात्र मुलगी आढळून न आल्याने अखेर पोलिसांत धाव घेतली.
या प्रकरणी बाजारपेठ पोलीस ठाण्यात अपहरणाचा गुन्हा नोंदविण्यात आला असून पोलीस अज्ञात इसमाचा शोध घेत आहेत. पुढील तपास सुरू आहे.
