मालेगाव येथून आरोपींकडून 1,35,000/- रू किंमतीच्या बजाज कंपनीची ऑटो रिक्षा जप्त करण्यात आल्या आहे..
पोलीस वार्ता, नाशिक : शहर परिसरातील घरफोड्या व चोरीच्या घटना आणि गुन्हेगारांवर कारवाई करण्याचे सक्त आदेश नाशिक शहर पोलीस आयुक्त श्री. संदिप कर्णिक साहेब यांनी शहर पोलीस प्रशासनाला दिले आहे.
त्यानुसार शहर गुन्हेशाखा युनिट-2 चे पथक दि.4 मे रोजी हद्दीतील दुचाकी चोरीच्या घटनेंचा तपास करत असताना पोउनि. मुक्तारखान पठाण यांना गोपनीय माहीती मिळाली की, भद्रकाली पोलीस ठाणे हद्दीतील सुमारे 10 महिन्यापुर्वी मोदकेश्वर मंदिराजवळून चोरी गेलेली रिक्षा ही संशयित 1)अजीजोद्दीन रहमान मोहमद अकिल आणि 2)मुस्ताक शहा शिराज शहा यांनी चोरलेली असुन हे रमजान पुरा, मालेगाव, नाशिक येथे राहण्यास आहे. सदर माहीती मिळताच ती शहर गुन्हेशाखा युनिट-2 चे सपोनि. हेमंत तोडकर यांना देऊन त्यांच्या मार्गदर्शनात बातमीची खात्री करून कायदेशीर कारवाई करण्याचे आदेश दिले. त्याप्रमाणे शहर गुन्हेशाखा युनिट-2 चे श्रेणी. पोउनि. मुक्तारखान पठाण, सपोउनि. गुलाब सोनार, पोह. वाल्मीक चव्हाण, मनोज परदेशी, अतुल पाटील यांचे पथक तयार करून नाशिक जिल्ह्यातील मालेगाव येथील सना गॅरेजच्या बाजुला सापळा लावला व दोन संशयितांना चोरीच्या रिक्षासह ताब्यात घेवुन त्यांची चौकशी केली. त्यांची नावे त्यांनी 1)अजीजोद्दीन रहमान मोहमद अकिल (वय-24) रा. रमजानपुरा, संजय चौक, मालेगांव, जि.नाशिक 2)मुस्ताक शहा शिरान शहा (वय-20) रा. रमजान पुरा, मामाचे हॉटेल जवळ, हैदरअली चौक, मालेगांव, जि.नाशिक असे सांगीतले.
त्यांना रिक्षा चोरी गुन्ह्याबाबत विचारले असता त्यांनी सांगीतले की, त्यांनीच मोदकेश्वर मंदिराजवळून दहा महिन्यापुर्वी रात्रीच्या सुमारास रिक्षा चोरली होती. सदर रिक्षा चोरी गुन्ह्याची खात्री केली असता भद्रकाली पोलीस ठाणे गुरनं- 228/2024 भा.न्या.सं.कलम 303(2) प्रमाणे दाखल आहे. पुढे त्यांना अधिक विचारपूस केल्यावर त्यांनी आणखीन एक ते दिड वर्षापुर्वी नाशिक शहरातील भद्रकाली ठाणे हद्दीतून रात्रीच्या सुमारास एक रिक्षा, अलकबीर इंग्लिश मिडीयमच्या बाजुला, भिंतीजवळुन चोरून ती मालेगाव, नाशिक येथे आणल्याचे सांगितले. सदरची रिक्षा जप्त करून आरोपींकडून 1,35,000/- रू किंमतीच्या बजाज कंपनीची ऑटो रिक्षा जप्त करण्यात आल्या आहे. भद्रकाली पोलीस ठाण्याचा गुरनं- 228/2024 आणि आरोपीतांना मुद्देमालासह पुढील कारवाईसाठी भद्रकाली पोलीस ठाण्याच्या ताब्यात देण्यात आले आहे.
