भुसावळ – शहरातील खडका रोड परिसरातील लाल बिल्डिंगजवळ मयूर जाधव व मिलिंद जाधव यांच्या घरी अज्ञात चोरट्यांनी घरफोडी करून सुमारे १ लाख ५० हजार रुपयांचा मुद्देमाल लंपास केल्याची घटना घडली आहे.
मिळालेल्या माहितीनुसार,घर बंद असताना चोरट्यांनी संधी साधत कुलूप तोडून घरात प्रवेश केला. कपाटातील साहित्य उचकून सोन्याचे दागिने व रोख रक्कम चोरून नेण्यात आली.
चोरीस गेलेल्या मुद्देमालामध्ये पायाची साखळी २ जोड,२ जोडवी, १ ग्रॅम सोन्याची अंगठी,१.५ ग्रॅमच्या दोन अंगठ्या, सुमारे ३.५ ग्रॅमची सोन्याची पोत, हाताचे व पायाचे ४ जोड कडे, १ ग्रॅम सोन्याचे पॅडल तसेच अंदाजे २५ ते ३० हजार रुपये रोख रक्कम यांचा समावेश आहे.
घरी परतल्यानंतर वस्तू अस्ताव्यस्त अवस्थेत दिसून आल्याने चोरीचा प्रकार उघडकीस आला. घटनेची माहिती मिळताच पोलिसांनी घटनास्थळी धाव घेत पाहणी केली असून आद्यपवतो गुन्हा दाखल करण्यात आलेला नसल्याची माहिती मयूर जाधव यांनी दिली. परिसरात भीतीचे वातावरण निर्माण झाले आहे.
