भुसावळात ऑनलाईन फसवणूक करणारी टोळी सक्रिय ?

नाशिक : भुसावळ तालुक्यातील काही युवक अनेक वर्षांपासून अंतरराष्ट्रीय (विदेशी) कंपन्या सोबत काम करीत असून नागरीकांना ऑनलाईन पैसे गुंतवणूक करण्यासाठी विविध गोष्टींचे आमिष दाखवून गंडा लावून कोट्यवधी रुपयांची ऑनलाईन फसवणूक करणारी टोळी तालुक्यात सक्रिय असल्याची माहिती सूत्रांकडून प्राप्त झाली आहे.

गेले अनेक वर्षांपासून बरेच नागरीकांनी ऑनलाईन फसवणूक केल्याची अनेक प्रकरणे विविध पोलीस ठाण्यात दाखल आहेत व त्या प्रकरणांचा शोध ही सुरू आहे. यासाठी सायबर पोलीस अशा टोळ्यांच्या मागावर आहेत मात्र या ऑनलाईन फसवणुकीचा प्रकारात दिवसेंदिवस वाढ होतांना दिसत आहे. काही भामटे बक्षीस मिळाल्याचे आमिष दाखवून,दाम दुप्पट, सोने,लॉटरी तसेच अकाउंट मध्ये पैसे मिळणार असल्याच्या लिंक पाठवून नागरीकांना भुरळ पाडीत लाखो रुपये परस्पर खात्यामधून काढून घेणारी टोळी सक्रिय असून या टोळीने कित्येकांना गंडा लावला आहे.